Prishja e ndërtimeve pa leje në Lezhë, kryebashkiaku Ndreu quan keqinterpretim përplasjen me ministrin Lleshaj

Në një operacion që vazhdon prej ditësh, Inspektoriati Kombëtar i Mbrojtjes së Territorit (IKMT) shembi të mërkurën edhe 17 ndërtesa në Tale të Lezhës ndërsa ditë më parë kishte prishur edhe 36 ndërtesa të tjera në Shëngjin.

Një javë më parë, në një takim për turizmin, kryetari i Bashkisë Lezhë Pjerin Ndreu, e cilësoi aksionin “abuziv pa pyetur qeverinë vendore”, madje duke kaluar edhe në një përplasje verbale me ministrin e Brendshëm Sandër Lleshaj.

Mirëpo duke folur për Euronews Albania, Ndreu tha se ka pasur një “keqinterpretim të situatës” siç e konsideroi ai raportimin në media për përplasjen dhe kundërshtitë e Bashkisë Lezhë ndaj prishjeve të ndërtesave.

“Kërkesën për prishje e ka bërë Bashkia Lezhë dhe për disa ndërtesa kemi rënë dakord që të prishen, ndërtesat që u prishën të mërkurën, por debati ka qenë për ndërtesa të tjera që për shkak të madhësisë së tyre dhe problemeve që krijonin me inertet dhe faktit se ndodheshin në zona të populluara e kishim problem t’i sillnim në normalitet.

Nuk bëhet fjalë për aksionin e së mërkurës, ai ka qenë në harmoni të plotë me Bashkinë,” – sqaroi Ndreu në intervistën me gazetaren Esmeralda Mulaj duke këmbëngulur se pronarët e ndërtesave janë njoftuar prej një muaji për shembjet.

I pyetur nëse atyre u janë dërguar shkresa zyrtare, Ndreu e konfirmoi se “janë firmosur personalisht” nga ai duke pretenduar se ua ka dërguar.

“Abuzojnë, gënjejnë, janë pa leje dhe aksioni do të vazhdojnë dhe asnjë subjekt që ushtron aktivitet në një ndërtesë pa leje nuk do të lejohet të hapet këtë sezon. Një herë e mirë duhet të merret vesh se nuk bëhet më biznes pa asnjë lloj letre, pa asnjë taksë.

Unë nuk kam qenë kurrë kundër prishjes së ndërtimeve pa leje apo pro ndërtimeve pa leje, problemi shtrohet këtu se disa prishje ka kosto të madhe në raport me menaxhimin e territorit dhe kthimin e plazhit në normalitet,” – argumentoi Ndreu, i cili zbuloi se në shtator është caktuar për një fazë të dytë prishjesh.

Gazetarja Mulaj e pyeti se përse aksionet nuk u lanë të gjitha për në shtator duke qenë se aktualisht sezoni turistik ka nisur, mirëpo Ndreu tha se ndërtesat kanë mbi 30 vite pa leje dhe “çështja nuk shtrohet nëse ata duheshin lënë edhe këtë sezon turistik, por se si mund të menaxhohen më mirë aksionet”.

Ndreu akuzoi sipërmarrësit që pretendojnë të jenë pronarë në bregdet “se kanë për krenari paligjshmërinë”, pasi ata “nuk kanë letra”. Kryebashkiaku i Lezhës pretendoi se ndërhyrja aktuale nuk e dëmton turizmin, përkundrazi rregullon vijën e plazhit.

Rama ironizon Gjuzin në Kuvend: Të hongsha shamin që ke në xhep, veç mustaqet nuk t'i ndryshojmë dot. I vetmi mbret që bërtet

11:53 Politika

Propozimi për reformimin e KQZ-së nga opozita, reagon Denar Biba: Sa herë që ndërkombëtarët kërkojnë reforma efektive, degradon në ndryshimin e këtij institucioni

11:47 Politika

Rudina Hajdari zbulon prapaskenat, sulmon Bashën: Bëri luftë për tenderin e identifikimit biometrik, për dy vite më radhë. Më vjen neveri

11:36 Politika

Rama: Oligarkët, oligarkët, në qeverisjen time ata taksohen më shumë

11:32 Politika

Basha kërcënon Ramën: Asgjë nuk do të harrohet dhe nuk do falet kur të bëhem unë kryeministër

11:32 Politika

Vendimi ndaj së ëmës, reagon Rudina Hajdari: Besoj dhe mbështes reformën në drejtësi, shkoj përtej interesave të familjes sime

11:31 Politika

“E keni karamelen në fyt”, Rama i përgjigjet deputetit të opozitës: Ju flisni për njërin që doli te kthesa e tjetrin fshehur pas ferrës. Jeni zgjatimi i një falange, kriminalizuat dynjanë

11:24 Politika

Hakmarrja e Boltonit: Si talleshin këshilltarët, me "injorantin" Donald Trump

11:19 Politika

Lleshaj përplaset me deputetin e opozitës: S’kam qenë kurrë kapter, kam qenë gjeneral! Ju nuk do i arrinit dot standardet

11:07 Politika

Lleshaj bën deklaratën e fortë në Kuvend: Media ka edhe krimi, bën punë publike!!!

10:56 Politika