Te fundit
Analisti amerikan Daniel Serwer: Kosova është në telashe
24 Qershor 2020, 22:10Rajoni
TEMA
Nëse presidenti i Kosovës, Hashim Thaçi dhe kryetari i Partisë Demokratike të Kosovës, Kadri Veseli nuk japin dorëheqje, Kosova do të përballet me sfida të tjera, thotë Daniel Serwer, ekspert i Ballkanit në SHBA, teksa ka komentuar në platformën e tij, aktakuzën për krime lufte të Gjykatës Speciale kundër presidentit Thaçi, Veselit dhe të tjerëve.
Ende nuk është e qartë se kush bën pjesë në grupin e “të tjerëve”, siç i ka cilësuar Zyra e Prokurorit.
Në një komunikatë për media, Zyra e Prokurorit të Specializuar, me seli në Hagë, ka bërë të ditur se:
“Në aktakuzë pretendohet se Hashim Thaçi, Kadri Veseli dhe të dyshuar të tjerë janë penalisht përgjegjës për afërsisht 100 vrasje të paligjshme. Krimet e paraqitura në aktakuzë përshijnë qindra viktima të identifikuara shqiptarë, serbë dhe romë të Kosovës dhe kundërshtarë politikë”.
Beogradi, sipas Serwerit, do të jetë i kënaqur me këtë aktakuzë, për shkak se ka kërkuar drejtësi për krime kundër serbëve, pas përfundimit të luftës dhe kjo do t’i japë Serbisë përparësi në negociata me Evropën dhe Shtetet e Bashkuara.
“Beogradi mund të përpiqet të rihapë çështjen e kompromisit territorial me Kosovën, duke pretenduar se aktakuza vërteton se serbët nuk duhet të jetojnë në një vend ku mbizotërohet nga armiqtë kriminelë. Pra, aktakuza nuk është vetëm çështje personale për Thaçin e Veselin, por është institucionale dhe ndërkombëtare. Kosova është në telashe”, thotë Serwer.
Sipas tij, “as Evropa e as Amerika nuk do të kenë interesim që të takohen apo të ndihmojnë politikanë të cilët janë nën akuza dhe rezultati sipas tij, do të jetë izolimi ndërkombëtar”.
“Kjo gjithashtu është një provë për Thaçin dhe Veselin. Nëse konfirmohet nga gjyqtari i Gjykatës Speciale, ata të dy duhet të japin dorëheqje nga pozitat e tyre dhe të shkojnë në Hagë për t’u mbrojtur, ashtu siç ka bërë ish-kryeministri Haradinaj disa herë. Dorëheqjet e tyre do të bënin ndryshime në politikën e Kosovës. Kuvendi duhet të zëvendësojë Thaçin, gjë e cila do të ishte një sfidë e madhe, pas kësaj aktakuze. Zëvendësimi i një kryetari të një partie politike do të ishte shumë më pak i diskutueshëm, por gjithsesi do të qonte peshë”, thotë Serwer.
Por ai vë në dyshim nëse “do ta respektojë PDK-ja (Partia Demokratike e Kosovës) trashëgiminë e saj të Ushtrisë Çlirimtare të Kosovës, apo do të shkojë përtej saj për të zgjedhur dikë i cili është më pak i lidhur me rebelimin e armatosur kundër Serbisë.”
“Reagimi politik brenda Kosovës do të jetë në kundërshtim. Është vështirë të paramendohet ndonjë gjë pozitive e këtij lloj konfrontimi. Perspektiva për investime ndërkombëtare, bashkëpunimi më NATO-n, udhëtimi pa viza në BE dhe aspiratat e tjera do të dëmtohen”, thotë Serwer.
Serwer mes tjerash thotë se është befasuar me këtë aktakuzë, pasi nuk kishte besuar që ekzistojnë prova të mjaftueshme për të ngritur aktakuza.
Sipas tij, takimi i paralajmëruar në Uashington ndërmjet delegacioneve të Kosovës dhe Serbisë, mund të vazhdojë, pasi ato mund t’i udhëheqë kryeministri i Kosovës, Avdullah Hoti.
Kujtojmë se dialogu mes këtyre dy shteteve është pezulluar nga nëntori i vitit 2018, kur autoritetet e Kosovës patën vendosur taksë 100 për qind në mallrat e Serbisë dhe Bosnje-Hercegovinës.
Ndërkohë kjo masë është zëvendësuar me reciprocitet, mirëpo qeveria e re e kryeministrit të Kosovës, Avdullah Hoti ka hequr të gjitha masat, për shkak të siç është shprehur ai, heqjes së të gjitha pengesave për vazhdimin e dialogut me Serbinë.
Dialogu mes Kosovës dhe Serbisë, i ndërmjetësuar nga Bashkimi Evropian, ka nisur më 2011 në Bruksel.(REL)
5 komente në “Analisti amerikan Daniel Serwer: Kosova është në telashe”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Thaci duhet et dergoje ne Washington zevendesin e tij dhe te mos shkoje vete dhe Kosova te paraqitet me kerkesa te forta. Perderis nje i akuzuar nuk eshte gjetur i fajshem atehere ai prezumohet i poafajshem. Dhe Sewer duhet ta dije kete shume mire. Prandaj nuk ka asnje pengese per Thacin ne bisedime apo ne gjygj. Ne Hage te shkoje avokati i Thacit, Presidenti i Kosoves ka imunitet dhe nuk mund ta therrase as Haga as leshi i bythes ne gjygj. Vetem pasi te mbaroje emerimin e tij si Presdient atehere ai mund te meret ne pyetje nga Haga, Deri atehere kosovare tregohuni te forte. Merrni nje avokat qe njeh ligjin nderkombetar.
Thaci e Vesel duhet te tregohen burra.
Te japin doreheqje dhe te paraqiten ne Hage te provojne pafajesine si Haradinaj.
Pjesa tjeter e fajit eshte e Europes dhe Amerikes qe e para hapi kete ceshtje te vjeter ne kete moment dhe e dyta qe kontribuaje ne shkarkimin e qeverise legjitime Kurti duke mbeshtetur Thacin te cilin tani e shiten.
Nga ” miqte ” e pare pritej, por jo nga te dytet,te cileve duket se po ju intereson nje shtet i dobet i Kosoves.
Si do te demtohet dicka kur nuk egziston duke folur “hypothetically”. C’fare udhetimesh pa viza (ajo duhej bere menjehere pas luftes te mbeshteste popullin pas nje drame te tille), bashkpunimi me Naton ?!?! Pse jo antarsimin (ajo duhe bere menjehere pas luftes te mbeshteste popullin pas nje drame te tille). C’fare investimesh ?!?! Ne llafet e dua gjithshka do behet, por asgje s’eshte bere ..
Pa guxo te hedhesh ne gjygj Presidentin e Amerikes dhe do te marresh nje mut ne gjygj. Edhe pse Kosova eshte nje shtet e vogel nuk ka shans ne bote qe ata ta trajtojne Presidentin e atij vendi me te paket se ai i Frances, Germanise apo Belgjikes. Presidenti ka imunitet jo vetem kur eshte ne pushtet por edhe kur e le ate pozite. Ka mbrojtje deri sa te vdese dhe nuk guxon as gjygj i leshit dhe as nje cope i shitur tek Serbia ta coje ate ne gjygj. Tregojuni berrylin dhe filloni pergjigjet tuaja. Mblidhni Kuvendin dhe anulloni gjykaten speciale. Kerkoni reciprocitet me Serbine. Kur Serbia te denoje Vucic, nje bashkepunetor dhe mInister i Sllobodan Milloshevicit, krimimnelit me te madh ne Europe (qe e ben Vucic bashkepunetor te nje krimineli pra bashkekriminel), atehere edhe Thaci mund te shkoje ne gjygj.
E vetmja rruge shpetimi per Shqiptaret eshte largimi i menjehershem nga Nato dhe nderprerja e mardhenieve me bashkimin European , atehere do bien akuzat kunder UQK’se Ashimit e Homeinit , dhe do te na lutem aman se ju japim cfare te doni vetem mos ikni, Rusia dhe Kina jane krahe hapur , Shqiptaret e Shqiperise Kosoves Macedonise te dalin me nje ze te perbashket , sado keq te shkojne punet me keq nuk behen