Kosova dhe BE-ja "pajtohen" për zgjatjen e mandatit të EULEX-it

Presidenti i Kosovës, Hashim Thaçi, tha të shtunën se është pajtuar për “zgjatjen teknike njëvjeçare të mandatit të misionit të EULEX-it” nëpërmjet një letërkëmbimi me shefin e politikës së Jashtme të Bashkimit Evropian, Josep Borrell.

“Zgjatja teknike po bëhet pasi që pandemia ka pamundësuar negociatat për të ardhmen e mandatit të EULEX-it”, thuhet në një komunikatë të zyrës së presidentit në të cilën theksohet se në letërkëmbimin e tij, presidenti Thaçi ka shprehur gatishmërinë që “në mënyrë që të sigurojmë vazhdimësinë e Misionit të Bashkimit Evropian për Sundimin e Ligjit në Kosovë gjatë këtyre rrethanave të jashtëzakonshme, Kosova pajtohet për një zgjatje teknike të EULEX KOSOVA, më së voni deri më datën 14 qershor 2021”.

EULEX-i u vendos në Kosovë pas shpalljes së pavarësisë së saj nga Serbia në shkurt të vitit 2008.

Ndonëse ishte shkurtuar dhe ndryshuar nëpër vite, ai ruante fuqi ekzekutive dhe trajtonte krimet e luftës por edhe krimin e organizuar dhe korrupsionin në rastet që vlerësoheshin me të ndejshme për t’u trajtuar nga prokurorët dhe gjykatësit vendas.

Aktualisht ky mision vëzhgon procese gjyqësore të caktuara në sistemin e drejtësisë të Kosovës, dhe ka mandat të kufizuar si “reagues dytë në fushën e sigurisë”, pas policisë së Kosovës.

EULEX-i ndihmon Gjykatën e Posaçme për Kosovë me seli në Hagë, që njihet me emrin Dhomat e Specializuara me mbështetje logjistike dhe operacionale, në përputhje me ligjet e Kosovës. /VOA/

Kosova në vendin e tretë në Evropë me numër të të infektuarve me koronavirus

09:16 Rajoni

Viktimat e harruara, një turp gjithëkombëtar, nga Prishtina në Tetovë e deri në Tiranë

09:12 Rajoni

Rikthimi i Hagia Sophia-s në xhami, Greqia kërkon sanksione ndaj Turqisë

22:15 Rajoni

Një natë në Srebrenicë

18:57 Rajoni

Ofendimet e Zaevit: Reagojnë partitë shqiptare

17:52 Rajoni

Kreu i diplomacisë europiane: "Srebrenica" një faqe e errët europiane, i papranueshëm lavdërimi i autorëve

17:43 Rajoni

Ndërron jetën nga COVID-19 babai i gazetarit nga Kosova Berat Buzhala: Jeta e tij nuk ka qenë aspak e lehtë

17:09 Rajoni

SHBA-të dhe BE-ja dënojnë gjuhën e përdorur në parlamentin e Kosovës: Dhuna s'ka vend në shoqëritë demokratike, aq më pak në parlament e posaçërisht ndaj një gruaje

14:09 Rajoni

Bisedimet Kosovë-Sërbi, Grenell reagon pas akuzave të Biden: Ka vetëm fjalë dhe asnjë veprim, administrata e Trumpit është mjaft e vendosur

12:41 Rajoni

Çerek shekulli nga gjenocidi çnjerëzor i Srebrenicës: Pamjet tronditëse, lot e dhimbje nga masakra më e përgjakshme

10:33 Rajoni