Thaçi në Hagë, Haradinaj: Nuk ekziston asnjë gjyq që mund të gjykojë përpjekjen e një populli për të jetuar si gjithë të tjerët të lirë

Ish- kryeministri i Kosovës, Ramush Haradinaj ka vlerësuar gatishmërinë e presidentit Thaçi që t’i përgjigjet pozitivisht ftesës për intervistim nga Gjykata Speciale në Hagë.

Përmes një postimi në Facebook, Haradinaj thotë se ish- luftëtarët e UÇK-së nuk i kanë ikur asnjëherë ballafaqimit me drejtësinë edhe pse s’ka gjyq që të gjykojë përpjekjen e një populli për të jetuar.

Ai shton se lufta e popullit shqiptar rreshtuar përkrah UÇK-së ishte e drejtë dhe vlera nuk ka për t’i humbur pavarësisht përpjekjeve për të dëmtuar.

“Shqiptarët kanë bërë luftë të pastër dhe të drejtë, në mbrojtje të pragut të shtëpisë, dinjitetit dhe Atdheut. Në çdo rrethanë përgjatë tërë historisë, kemi dëshmuar pjekuri, guxim, mikpritje e bashkëpunim, e këtë e dëshmon edhe gatishmëria jonë anipse nga pozita e viktimës, t’i përgjigjemi thirrjeve të drejtësisë sado të pa drejta qofshin ato.

E vlerësoj lartë gatishmërinë e presidentit Thaçi që t’i përgjigjet pozitivisht ftesës për intervistim nga Gjykata Speciale. Lufta e popullit shqiptar, të rreshtuar përkrah UÇK-së ishte e drejtë, vlera e së cilës, pavarësisht përpjekjeve për ta dëmtuar, nuk do t’i humbë as sot, e as kurrë.

Nuk i kemi ikur asnjëherë ballafaqimit me drejtësinë sa herë ajo e ka kërkuar këtë, pa marrë parasyshë pozitat tona shtetërore, i jemi përgjigjur dhe do t’i përgjigjemi. 

Nuk ekziston asnjë gjyq që mund ta gjykojë përpjekjen e një populli për të jetuar si gjithë të tjerët të lirë në tokën e vet.”- shkruan Haradinaj.

REPORTAZHI: Marrëveshja Kosovë-Serbi s’duhet të anashkalojë krimet e luftës

11:19 Rajoni

6 të vdekur në 24 orë në Maqedoninë e Veriut, paralajmërohet kufizimi i lëvizjes

08:44 Rajoni

INTERVISTA/ Hashim Thaçi: Shkoj në Hagë për çmimin e lirisë

20:33 Rajoni

Përkeqësimi i situatës, Kosova me masa strikte, por s’ka gjendje të jashtëzakonshme

20:14 Rajoni

(VIDEO)Presidenti Thaçi tek varri i Rugoves para nisjes per Hage

19:17 Rajoni

Zbulohet një tjetër përgjim “bombë” për Zoran Zaev, mori 6 mln euro ryshfet?

18:51 Rajoni

Kroacia do të fillojë mjekimin e pacientëve me gjakun e të shëruarve nga Covid-19

18:15 Rajoni

Theu karantinën, kryeinfermierja e Pulmologjisë bën thirrje që deputetja Eliza Hoxha të dënohet

17:57 Rajoni

Hoti: Normalizimi i marrëdhënieve Kosovë-Serbi, vetëm pas njohjes reciproke

17:42 Rajoni

Koronavirusi/ Në Ballkan pandemia është në rritje, shqetësimi po ashtu

14:10 Rajoni