Ervin Mete: Pandemia rriti në 22% numrin e mjeteve të pasiguruara

Drejtori i Përgjithshëm Ekzekutiv i Autoritetit të Mbikëqyrjes Financiare, Z. Ervin Mete prezantoi sot në Komisionin Parlamentar për Ekonominë dhe Financat, Raportin e veprimtarisë së Autoritetit gjatë vitit 2019. Z. Mete u ndal në zhvillimet kryesore të vitit të kaluar, si edhe përmendi disa nga objektivat për vitin në vazhdim, duke marrë parasysh edhe efektet e pandemisë COVID-19 në tregjet nën mbikëqyrje.

Referuar tërmeteve të shtatorit dhe nëntorit, të cilat ishin ngjarjet që shënjuan vitin 2019 sa i përket tregut të sigurimeve, bazuar në vlerësimet e deritanishme vlera e kërkesave për dëmshpërblim arriti nivelin 475 milionë lekë për ngjarjen e 21 shtatorit dhe rreth 3.65 miliardë lekë për ngjarjen e 26 nëntorit, – bëri me dije Z. Mete. Sipas Drejtorit të Përgjithshëm Ekzekutiv, ngjarjet e tërmetit nxorën në pah domosdoshmërinë e zgjerimit të mbulimit të sigurimit të pronës, duke qënë se afro 2.5% e banesave kanë një mbulim të tillë.

Z.Mete informoi Kuvendin edhe në lidhje me masat rregullatore të ndërmarra nga Autoriteti pas dy katastrofave natyrore për të garantuar shëndetshmërinë e tregut të sigurimeve, duke rritur me 34.4% provigjonet teknike, krahasuar me vitin 2018, që përbën rritjen më të madhe të realizuar ndonjëherë ndër vite.

Referuar Fondit të Kompensimit, Drejtori i Përgjithshëm Ekzekutiv deklaroi se Autoriteti ka vijuar monitorimin e procesit të pagesave të prapambetura. Gjatë vitit 2019 u paguan rreth 604 milionë lekë dëmshpërblime me objekt Fondin e Kompensimit. Z. Mete vuri në dukje se pandemia solli një rritje të numrit të mjeteve të pasiguruara, në afro 22%, shifër që përbën një risk sistemik për Fondin e Kompensimit dhe për gjithë tregun e sigurimeve. Kostot e krijuara për këtë fond nga mjetet e pasiguruara transferohen tek mbajtësit e rregullt të policave të sigurimit, duke reflektuar në primin e tyre të sigurimit. Ndaj, kërkohet veprim në këtë aspekt.

Drejtori i Përgjithshëm Ekzekutiv u shpreh se Autoriteti ka punuar për të plotësuar të gjitha rekomandimet e lëna nga Kuvendi, duke patur në vëmendje nxitjen e qëndrueshmërisë, transparencës dhe besueshmërisë së tregjeve financiare që mbikëqyren, mbrojtjen e interesave të investitorëve dhe personave të siguruar dhe sigurimin e respektimit të ligjit.

Z.Mete theksoi se pandemia COVID-19, në varësi të shtrirjes së efekteve në tregjet nën mbikëqyrje, do të përcaktojë sfida domethënëse për Autoritetin gjatë pjesës së mbetur të këtij viti, por edhe në vazhdim. “Autoriteti do të vijojë të monitorojë zhvillimet në tregjet nën mbikëqyrje, ndërsa mbetet i angazhuar për hartimin e protokolleve të qarta për menaxhimin e krizave, me qëllim amortizimin e pasojave të tyre, shoqëruar me fleksibilitetin e vendimmarrjes në situata emergjence, në linjë edhe me rekomandimet e autoriteteve evropiane. Gjithashtu, AMF synon të përmirësojë planet e vazhdimësisë së biznesit për subjektet nën mbikëqyrje, duke arritur njëkohësisht një përputhshmëri të lartë me standardet ndërkombëtare të sigurimeve dhe të tregjeve të kapitalit,” theksoi Drejtori i Përgjithshëm Ekzekutiv.

Z.Mete deklaroi se gjatë këtij viti drejtimet kryesore të veprimtarisë së Autoritetit, duke marrë në konsideratë edhe ndikimet e COVID-19 në tregjet nën mbikëqyrje do të përqendrohen te menaxhimi i situatës dhe ruajtja e qendrueshmërisë së tregjeve të mbikëqyrura, mbikëqyrja efektive dhe zhvillimi i mëtejshëm i tregjeve, digjitalizimi, plotësimi i kuadrit ligjor dhe mbrojtja e personave të siguruara dhe investitorëve.

Alexandros Kosenas (Neptun): Bizneset mund të korrin sukses në rrethana të vështira, nëse janë të shkathët dhe me kurajo

16:23 Ekonomia

Egjiptianët mësyjnë Shqipërinë me kompani ndërtimi

12:32 Ekonomia

Maska dhe veshje këmbe për spitale, si po përshtatet industria e tekstileve dhe këpucëve në Shqipëri pas Covid-19

09:07 Ekonomia

Nga Boboshtica, në bregdetin e Sarandës, Denaj: Bizneset po i rikthehen ritmit të aktivitetit

19:01 Ekonomia

Raporti i Moody’s, ministria e Financave: Ruan të pa ndryshuar vlerësimin për ekonominë shqiptare pas emetimit të suksesshëm të Eurobondit

10:15 Ekonomia

Amnistia fiskale si vetting-u, si do të funksionojë njësia speciale brenda tatimeve?

19:39 Ekonomia

Mjetet lundruese pa TVSH, Saranda destinacioni i parë që merr zhvillim, Rama: Më shumë turizëm e të ardhura, më shumë emër për Shqipërinë e bukur në Europë e në botë!

18:26 Ekonomia

TVSH 6% për strukturat hoteliere, Anila Denaj në Sarandë: Bizneset janë optimiste se shifrat e rritjes do të jenë pozitive deri në fund të sezonit

16:25 Ekonomia

FMN: Borxhi publik botëror më i madh nga ai i Luftës së Dytë Botërore, qeveritë të jenë të kujdesshme

19:48 Ekonomia

Rritje e pazakontë: Pandemia shton 660 milionë euro depozita, ndërsa shqiptarët kursejnë

19:21 Ekonomia