VENDIMI/ Lejohet kryerja e testit për COVID-19 edhe te privati, ministria jep detajet: Kategoritë që pranohen ta kryejnë

Komiteti Teknik i Ekspertëve miraton vendimin për lejimin e kryerjes së tamponit për COVID-19 te subjektet private.

Por ky vendim do të vlejë vetëm për ata persona që duan të udhëtojnë jashtë shtetit.

Sipas njoftimit zyrtar, Komiteti Teknik i Ekspertëve ka miratuar sot vendimin per lejimin e kryerjes së testimeve molekulare RT-PCR për SARS-COV-2 në laboratorët jopublikë për arsye administrative.

Komiteti ka vendosur procedurën për plotësimin e standardeve që duhet të plotësojnë laboratorët jopublikë për kryerjen e testit molekular për Sars-Cov-2 me Real Time PCR.

Në këtë kategori do të lejohet testimi vetëm për ata individë, që kanë kërkesë për dokument, që provon se nuk janë të prekur nga SARS-COV2, për të udhëtuar jashtë vendit apo kur kërkohet nga një shtet tjetër, por nuk kanë indikacion klinik të prekjes nga virusi.

Njohja e laboratorëve jopublik për këto testime, do të kryhet nga MSHMS, sipas procedurës së miratuar, kushteve dhe standardeve që garantojnë sigurinë dhe cilësinë e laboratorit, testeve dhe metodës së përdorur.

Sipas vendimit, testet do të regjistrohen pranë Agjencisë Kombëtare të Barnave dhe Pajisjeve Mjekësore, sipas legjislacionit në fuqi për pajisjet mjekësore dhe do të validohen nga Instituti i Shëndetit Publik.

“Në kryerjen e analizave molekulare, vetëm për arsye administrative strukturat jopublike do të raportojnë mbi baza 24 orëshe testimet e kryera.

Laboratori jopublik ka detyrimin të njoftojë menjëherë për rastet positive, Institutin e Shëndetit Publik, i cili do të konfirmojë diagnozën në rastin e rezultatit pozitiv ardhur nga laboratorët jopublik dhe do të referojë për hetim epidemiologjik rastin e konfirmuar.

Saktësojmë se, kryerja e analizës për vendosje të diagnozës, gjurmimi i kontakteve për të mbështetur hetimin epidemiologjik me qëllim ndërprerjen e zinxhirit të infeksionit, do të vijojë të kryhet nga laboratorët publikë, nëpërmjet referimit nga numri unik 127 dhe Njësive Vendore të Kujdesit Shëndetësor”, deklaron MSH.

Ndarja nga jeta e aktorit Fuat Boçi, Pëllumb Kulla: Artistët vdesin ndryshe, si e krijova "Belulin". Kiço Londo: Do marrë duartroktitjet që i munguan në tokë

19:26 Sociale

Këngëtari shqiptar: Turp i Zotit të ankohemi ne për lekë dhe që s’kemi punë, kur ka plot të varfër

19:14 Sociale

OBSH shuan shpresat: Vaksina e koronavirusit nuk do të jetë gati këtë vit

19:05 Sociale

“Për ju që ankoheni për çmimet në Jug”

17:58 Sociale

Humbin jetën 3 persona nga Covid, 108 të infektuar në vetëm 24 orë. MSH: Qytetarët të vendosin detyrimisht maskën në ambiente të mbyllura

16:11 Sociale

Lista e emrave të ndaluar zbulon ‘preferencën’ e shqiptarëve për trashëgimtarë djem

15:59 Sociale

Pas largimit nga Gjykata e Lartë, ja 6 pozicionet që i janë ofruar në sistemin e drejtësisë Ardian Dvoranit

15:24 Sociale

Mjekja tregon eksperiencën e saj me koronavirusin: U rrëzova në korridor nga kolla e fortë dhe nuk merrja dot frymë

15:05 Sociale

FOTOT: Vapë dhe korona në Tiranë

14:02 Sociale

Nëndrejtori i ISHP-së: Do jemi ndër vendet e fundit që do të marrim vaksinën, shtetet e fuqishme po lëvizin më shpejt

13:37 Sociale