Albin Kurti nderon Adem Demaçin: Ky njeri shpirtmadh e mendjefortë. Kurrë nuk u step prej frikës e nuk u mposht prej dhimbjes, gjithnjë thoshte të vërteta therëse

Sot bëhen dy vite që është ndarë nga jeta Adem Demaçi, heroi i qëndresës shqiptare, i cilësuar edhe si Mandela i Kosovës dhe Europës.

Ish-kryeministri i Kosovës, Albin Kurti, me anë të një postimi në rrjetet sociale e kujton Demaçin si një vigan që i ra për hise popullit shqiptar

Ai thotë se Adem Demaçi ishte një njeri shpirtmadh e mendjendritur, që kurrë nuk u step prej frikës e kurrë nuk u mposht prej dimbjes, por tha gjithmonë të vërtetën universale të lirisë.

Kurti shkruan se Demaçi u përball me Rankoviqët, Titoistët dhe Millosheviqët, por kurrë nu u tremb prej tyre, ndërsa thotë se edhe sot mendohet dhe veprohet sikur Adem Demaçi të ishte mes nesh.

“Sot u bënë dy vjet pa Bacën Adem. Ai është ndër personat më frymëzues e formësues për mua e për Lëvizjen tonë.

Adem Demaçi i përjetoi tri jugosllavitë dhe hyri tre herë në burg. 28 vjet gjithsej i kaloi si i burgosur politik. Kur e liruan në prill 1990, tha se po del nga burgu i vogël në burgun e madh. Vazhdoi veprimtarinë politike pa pushim e kursim për veten.

Kurrë nuk u step prej frikës, kurrë nuk u mposht prej dhimbjes, kurrë nuk u ligështua prej trysnisë. Me thjeshtësi e qartësi të madhe intelektuale, me lakonizmin karakteristik, ai gjithnjë thoshte të vërteta therëse. Kjo cilësi iu njoh e iu vlerësua edhe nga Parlamenti Evropian, që i akordoi Adem Demaçit çmimin prestigjioz «Saharov» për lirinë e të menduarit.

Shkroi, tha e bëri aq shumë gjëra me peshë të rëndë politike, shoqërore e letrare, ndonëse tentativat për ta kufizuar, penguar e censuruar kurrë nuk munguan. Përballë Rankoviqëve, Titoistëve e Millosheviqëve, ky njeri shpirtmadh e mendjefortë, foli e tha të vërtetën universale të lirisë. E tha për popullin shqiptar, sepse këtij populli i ra për hise, falë zotit, një vigan i tillë.

Sot, kur mendojmë, mendojmë edhe a thua çka do të mendonte ai. Prandaj, kur veprojmë, veprojmë sikur edhe ai të ishte me neve”, shkruan Kurti

Edhe shqiptarët e Malit të Zi bëhen bashkë në zgjedhje, do të dalin me një listë të përbashkët

10:07 Rajoni

Përplasja me grekët, urdhër i papritur për anijet turke

10:00 Rajoni

Mbahet të mërkurën Samiti rajonal i liderëve të Ballkanit Perëndimor, Rama e Hoti "takohen" me Vuçiç

21:33 Rajoni

FOTOT: Ushtria amerikane pajis me mjete të blinduara FSK-në e Kosovës

21:22 Rajoni

Kryeministri Hoti viziton Ferronikelin, premton mbështetjen e industrisë

19:33 Rajoni

Maqedoni e Veriut, regjistrohen 137 raste të reja dhe 9 viktima nga COVID-19

17:58 Rajoni

Rritja e të infektuarve: Hoti paralajmëron për mungesë të kapaciteteve në spitalet e Kosovës

17:21 Rajoni

“Ethet” e luftës Turqi-Greqi, Mitsotakis: Po na cenohet sovraniteti i vendit, nuk do të tolerojmë. Plaga e Qipros kullon gjak

16:33 Rajoni

Koronavirusi në Kosovë: Pesë viktima dhe 237 të raste të reja në vetëm 24 orë

15:44 Rajoni

Më shumë se 400 mjekë dhe infermierë janë të infektuar me koronavirus në Kosovë

15:13 Rajoni