Ish-deputeti socialist, prej një muaji i shtruar tek “Shefqet Ndroqi”: Covid-19 më la me pasoja, mbajeni atë dreq maske

Ish-deputeti i PS-së e botuesi, Fatmir Toçi, ka bërë thirrje për zbatim të masave mbrojtëse kundër koronavirusit të ri.

Teksa rrëfen përvojën e tij tejet negative me sëmundjen, Toçi, shkruan se secili duhet të bëjë kujdes maksimal nga Covid-19.

Ai shkruan se qëndron prej më shumë se një muaji në spitalin ‘Shefqet Ndroqi’ për rikuperimin e mushkërive nga pasojat që i ka lënë prekja nga koronavirusi.

“Për gati një muaj po qëndroj i shtruar në spitalin “Shefqet Ndroqi” në Tiranë, nën kujdesin e mjekëve, për rikuperimin e mushkërive nga pasojat që la pas virusi Covid-19 që ka përfshirë botën mbarë.

Më besoni, kurrë në jetën time nuk e kam ndjerë vehten më rëndë e më të rrezikuar për jetën se sa në këtë rast dhe kjo më ka bërë të mendoj se sa e brishtë dhe e cënueshme është jeta mbi tokë.

Por, shoh nëpërmjet mediave, internetit, rrjeteve sociale etj. masivisht një shpërfillje të papërgjegjshme e të frikshme të masave parandaluese, të domosdoshme për t’u mbrojtur nga kjo flamë vdekjeprurëse: njerëz pa maska në mjedise të mbyllura e publike, festa e grumbullime masive duke mos respektuar distancat e rekomanduara, madje prononcime e deklarata të njerëzve të njohur e të panjohur nëpër ekrane e rrjete sociale për teprim të masave apo, më keq akoma, për teori konspirative të shpikura për qëllime e interesa të caktuara (!).

Po e përsëris për së dyti thirrjen time “më besoni” nga Spitali “Shefqet Ndroqi”, ku janë të shtruar mbi 200 pacientë të prekur nga virusi vdekjeprurës dhe që ngjason si spital lufte pas një beteje të përgjakshme, ku punon me përkushtim e vetmohim një personel që ka vënë në rrezik jetën e vet dhe të familjeve për të shpëtuar jetë njerëzish, ku nga një sallë e vogël reanimacioni, e planifikuar për 8 vetë dhe e përshtatur për 12, diktuar nga kushtet e emergjencës sot, dalin pa jetë 1-2 pacientë në 24 orë, duke sjellë dhimbje e trishtim për familjet e tyre.

Jetë të prera në mes papritur e pabesisht, dhe pakujdesia e papërgjegjshmëria jonë personale dhe kolektive janë faktori kryesor i këtyre humbjeve në jetë njerëzish.

Nuk do t’ia uroja askujt të provojë këtë që po kaloj unë në këtë spital, ku kurrizi dhe dysheku janë bërë një që prej një muaji, për ta besuar se sa e rëndë dhe serioze është situata në këtë luftë, abdurde në dukje, me një armik të panjohur sa duhet e që ngjall vdekje kudo që prek; por desha t’ju bëj një thirrje si mik, si vëlla, si një qytetar i këtij vendi, si një njeri që prej më shumë se 4 javësh lufton me vdekjen në emër të jetës: mbajeni atë dreq maske dhe bëni kujdes, mbroni jetën tuaj, të familjes tuaj dhe të të tjerëve! Jeta është e shtrenjtë, duhet mbrojtur e jetuar!” – shkruan Toçi në Facebook.

Nuk ndalet plakja e popullsisë, lindjet bien me 8%

17:23 Sociale

Virusi Covid-19 i ka përgënjeshtruar të gjitha hipotezat deri më tani

17:11 Sociale

Përditësimi i situatës Covid-19: 141 raste të reja dhe 3 viktima, ja harta e të infektuarve

16:23 Sociale

Në rrugë pas 40 vitesh, familja nga Durrësi: Shtëpinë po na e merr një person që s'ka lidhje me pronarin izraelit Rafael Jakoeli, fitoi gjyqin

16:06 Sociale

Erion Veliaj bën testin e dytë të Covid dhe rezulton negativ, del nga shtëpia e shkon në bashki. Negativ dhe Ajola

15:13 Sociale

Kaos me transportin urban në Tiranë: Revoltohen qytetarët, kompanitë trefishojnë kohën e vonesës

13:04 Sociale

Testimet për COVID-19, licencohen edhe 10 laboratorë privatë

12:21 Sociale

Spitali Covid 2 reagon ndaj akuzave të PD: Nuk mungon asnjë medikament për pacientët, na lini të punojmë

11:41 Sociale

FOTOT/ Rama nxjerr pamjet e disa rrugëve të “reja”, komentuesit “habiten” nga gjerësia e tyre

11:18 Sociale

Skenari i Bankës Botërore për virusin në Shqipëri dhe projekti çfarë nevojitet për t’ia dalë mbanë

10:13 Sociale