Te fundit
Besa Shahini: Jemi ende të paqartë si do të zhvillohet mësimi këtë vit shkollor
17 Gusht 2020, 20:30Sociale
TEMA
Ministrja e Arsimit, Sportit dhe Rinisë, Besa Shahini nëpërmjet një video-mesazhi ka folur për vitin e ri shkollor i cili këtë vit do jetë i pazakontë për shkak të pandemisë.
Ministrja tha se janë duke u bërë përgatitjet nga institucionet dhe është ndërtuar edhe draft-udhëzimi me skenarë të ndryshëm për fillimin e viti shkollor i cili ka synim kthimin në bankat e shkollës.
Shahini tha se vendimin nëse mësimi do bëhet me orar të pjesshëm apo të plotë apo edhe të kombinuar me kushtet e shtëpisë i takon TaskForcës për koronavirusin që ta marrë në varësi edhe të situatës.
“Ne, stafi i MASR, agjencitë tona vartëse, disa nga drejtorët e shkollave, disa nga mësuesit, jemi duke bërë përgatitjet për fillimin e vitit të ri shkollor.
Në korrik, kemi ndërtuar edhe një draft-udhëzues me skenarë të mundshëm për fillimin e vitit të ri shkollor duke synuar gjithmonë që të kthehemi në bankat shkollore.
Por, nëse këtë, do ta bëjmë me orar të plotë, me orar të pjesshëm apo duke e kombinuar edhe me mësim në kushte shtëpie, këtë vendim e merr Task-Forca për Koronavirusin kur të jemi më afër datës së fillimit të vitit të ri shkollor në varësi të situatës me përhapjen e koronavirusit të ri”-tha Shahini.
Ministrja shtoi se shumica e nxënësve, prindërve dhe mësuesve duan të kthehen në shkollë, kjo pasi që mësimi në kushte shtëpie është i vështirë.
“Dhe kjo është e rëndësishme, sepse ju kam dëgjuar me shumë kujdes: shumica e nxënësve, prindërve dhe mësuesve duan të kthehen në shkollë.
Mësimi në kushte shtëpie është i vështirë. Është i domosdoshëm kur nuk mund të kthehemi në shkollë, mirëpo është i vështirë.
Ndaj, ju lutem, të ruani distancën, mbani maskat dhe higjienën në mënyrë që të rrisim shanset për t’u kthyer në bankat shkollore”, tha ministrja Shahini.
Në fund Shahini theksoi se “në momentin e parë që të kemi një orientim nga Task-Forca për Koronavirusin se në çfarë forme do të mund të fillojë ky vit shkollor, ne do t’i bëjmë të gjithë konsultimet e nevojshme me këshillat e prindërve, me sindikatat dhe parlamentin e nxënësve dhe do t’ju informojmë çdo ditë për vendimmarrjen, si dhe për mënyrën se si do të zbatohet plani ynë për fillimin e vitit të ri shkollor”.
5 komente në “Besa Shahini: Jemi ende të paqartë si do të zhvillohet mësimi këtë vit shkollor”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ske faj ti o Besa, papjekuria dhe paaftesia jote rendojne mbi ate qe te vendosi aty dhe dirigjon vet si kokosh pastaj.
A hoqi nga vetja lol vemje
E kemi vene arsimin me dy gure me kete injorante te pa afte…
Ani more, qa ka lidhje, hajt se e rregullojne ket pune FA. Moj thellenze e malit, e malit, e malit, bonja qefin djalit, e djalit, e te gjatit.
Bravo Besa, zonje e nderuar, mos u merr me plehrat. Prioritet eshte shendeti i femijeve e studenteve. Duhet bere me shume perpjekje per zgjerimin e platformes se mesimdhenies online. Vertet e veshtire ne zonat rurale. Ne zonat rurale mu nd te kombinohet online sipas mundesise dhe reduktim te pjesemarrjes fizike te nxenesve. Te kihet parasysh dhe zonat e nxehta te covid-19 ne harten e shqiperise. Urime ne punen tende dhe respekte nga kosova.