Viti 1901: Përleshje me armë mes arnautëve të Vokshit dhe banorëve të Gjakovës

Më 24 janar 1901 konsulli austro-hungarez Gerent Muthsam raportonte nga Prizreni:

“Këto ditë ndodhi një përleshje e përgjakshme mes disa arnautëve nga fshati Voksh dhe banorëve të Gjakovës.

Një bashkëpunëtor i konsullatës tregon si vijon këtë ngjarje: “Të dielën, më datën 20 të këtij muaji, tre arnautë të fshatit Voksh (në jug të Deçanit) erdhën në ditën e pazarit në Gjakovë.

Sapo hynë në qytet, ata u arrestuan me urdhër të lejtënantit të xhandarmërisë, Jahja Agës, (një arnaut nga Berisha afër Gjakovës, të cilit ata me gjasë i kishin borxh) dhe u futën në burg.

Kur në Voksh morën vesh për këtë masë, 50 arnautë të atjeshëm të armatosur u nisën për në Gjakovë për t’i nxjerrë nga burgu vëllezërit e fisit të tyre.

Kur arritën në Gjakovë në mëngjesin e datës 21 janar (1901), ata së pari depërtuan tinëz te burgu i qytetit, hodhën në ajër portën, i lidhën rojet e përgjumura, i liruan tre bashkëfshatarët dhe me atë rast u ndihmuan edhe të burgosurve të tjerë të ikin nga burgu, pastaj bashkë me shokët e liruar u përpoqën të ikin.

Ndërkohë për këtë rast u njoftuan Jahja Aga dhe pushtetari i këtushëm Myrteza Pasha, të cilët alarmuan disa xhandarë dhe banorët e këtushëm dhe së bashku filluan t’i ndjekin arnautët.

Gjatë këtyre përleshjeve nëpër rrugë u vra një arnaut nga Vokshi dhe u plagos rëndë një fan, shërbëtor i të përmendurit Jahja Aga (fan: katolik me prejardhje nga Mirdita).

Vokshianët e tjerë ia dolën të ikin përkundër ndjekjes. Nga të burgosurit e ikur deri më tani nuk është kapur asnjëri”.

Shkëlqesi, konsiderova se duhet t’ju njoftoj për këtë rast për shkak se mund të ketë pasoja të përgjakshme.

Po këtë raport konsulli ia dërgoi edhe ambasadorit austro-hungarez në Konstantinopojë (Stamboll).”

Përktheu dhe përgatiti: E.R.

Rrëfimi: Si e pritëm dhe çfarë ndodhi në Spaç, kur mësuam se Mehmet Shehu vrau veten

09:30 Dossier

“Si e njoha në Spaç, kosovarin Nazmi Berisha dhe historia e tij e dhimbshme pas ardhjes në Shqipëri me Sigurimin e Shtetit"

10:49 Dossier

Si e përçau Tirana, Partinë e Prosperitetit Demokratik në Maqedoni. Qëndrimet e ndryshme të Berishës e Rugovës dhe fletërrufeja e ATSH, që shkatërroi gjithçka

12:49 Dossier

DOSSIER/ Kur diktatori parashikonte se e ardhmja do t’i përkiste Realizmit Socialist

16:18 Dossier

Dëshmia e dhimbshme nga SHBA e ish-të dënuarit: Në ‘Kaushin’ e Tiranës, gruaja më solli vajzën 7-vjeçare, s’e kisha parë që kur kishte lindur

12:35 Dossier

Si ishin patentat shqiptare në 1925: Duhej të kishe mbushur 21 vjeç, të kishe dëshmi penaliteti të pastër dhe të mos ishe gjaknxehtë

17:53 Dossier

DOSSIER/ Historia e binjakëve të Postribës: Nga lindja te kryengritja dhe fundi

16:50 Dossier

Tensionet e para diplomatike. Si Gligorovi filloi të trembej nga shqiptarët dhe mosbesimi ndaj Tiranës zyrtare

12:31 Dossier

Njohja e Maqedonisë, e nxituar apo në kohë: Çfarë më tha Gligorovi për rëndësinë e mbështetjes nga Shqipëria

12:07 Dossier

Trazirat e ndryshimeve politike: Si më emëroi Alfred Serreqi në Maqedoni pas disa incidenteve tragjike nga trazirat e ndërrimit të pushtetit

12:56 Dossier