"DW": Edi Rama për lobim në Gjermani, por nuk takohet as me Merkelin dhe as me krerët e CDU/CSU

Kryeministri shqiptar, Edi Rama, ndodhet për një vizitë dyditore në Gjermani. Ai është takuar të enjten, 17.09.20 në mbrëmje, në një darkë me një grup parlamentarësh nga Bundestagu Gjerman. I pranishëm ka qenë edhe kryetari i grupit parlamentar të Partisë Socialiste në Kuvendin e Shqipërisë. Taulant Balla, i cili është edhe kryetar i Shoqatës Parlamentare të Miqësisë Shqipëri-Gjermani.

Sipas qarqeve ne Berlin, Rama ndodhet në Gjermani për të lobuar te grupi parlamentar më i madh në Bundestag, CDU/CSU, për t’i dhënë Shqipërisë po-në e hapjes së konferencës së parë ndërqeveritare për hapjen e negociatave me BE–në. Por siç mësoi DW nga qarqet parlamentare pranë CDU/CSU, në takim nuk merrte pjesë as kryetari i grupit parlamentar të Ballkanit Perëndimor nga partia CDU/CSU, Johann Wadephul, dhe as kryetari i Komisionit për BE në Bundestag, Günther Krichbaum.

Ende shumë punë

Në një konferencë të Institutit Aspen në Berlin, të zhvilluar të enjten, me 17.09., si dhe në një konferencë të mëparshme të zhvilluar javën e kaluar në Fondacionin Konrad Adenauer në Berlin, të dyja me rregulla “chattam house”,  ka dalë në pah, se deri tani vendet e zakonshme skeptike të BE-së, ndër to edhe Gjermania, nuk janë bindur ende se Shqipëria e meriton çeljen e konferencës së parë ndërqeveritare.

Dy pikat më delikate në argumentimin e skeptikëve nga Gjermania janë: ligji anti shpifje dhe ndryshimet që iu bënë marrëveshjes së 4 korrikut për ligjin elektoral në parlament, vetëm disa ditë pasi palët, opozita dhe qeveria, ishin dakordësuar pas ndërhyrjeve të diplomatëve perëndimorë në Shqipëri.

“Do të duhet shumë punë diplomatike dhe politike deri sa të vijë te hapja e konferencës së parë ndërqeveritare”, thonë skeptikët në Berlin.

Nuk takohet me kancelaren

Kohët e fundit Shqipëria është lëvduar nga qeveria gjermane për angazhimin e saj për të ndërmjetësuar në konfliktin e Bjellorusisë. Por, ndryshe nga ç’ishte raportuar më parë nga disa mediume të Tiranës. Rama nuk ka pasur takim me kancelaren Angela Merkel, i thanë DW-së burime diplomatike nga Berlini. Sipas burimeve të DW, në mesditë, Edi Rama do të niset për Bavari.

Si u lidhën shqiptarët me kartelet latine të kokainës: Një histori e mbushur me vrasje e rrëmbime, e nisur në Kolumbi

09:03 Politika

A do të jetë Sali Berisha kandidat për deputet? Basha nuk mendohet dy herë: Po, do garojë ku të dojë ai

23:57 Politika

Basha premton “prekje” të Kushtetutës: S’ka mandat të tretë për kryeministër. Si Presidentët në SHBA (vetëm se zgjidhen nga populli ata)

21:45 Politika

“Qeveria merr të drejtën të urdhërojë fshirjen e lajmeve”, Këshilli i Europës i bën thirrje Parlamentit shqiptar të mos votojë ligjin për mediat online

19:39 Politika

Ikin nga drejtësia 6 anëtarë të ish-KLD që kryesohej nga Nishani e Meta! Si u shpërbë grupi i famshëm që bashkonte votat për qoka

19:24 Politika

Braçe, shikim pozitiv: Ju vjen turp se karteli i kokainës cilësohej “shqipfolës”? Krenohuni me policinë tonë

19:07 Politika

Vetëm kundërshtojnë?! PD-LSI në Këshill pa ‘detyrat e shtëpisë’: Draftin ta sjellë pala që bëri ndryshimet kushtetuese! Nesër kërkojmë ballafaqim për koalicionet

18:48 Politika

Besnik Mustafaj merr në mbrojtje ish ministren greke: Bakojanis nuk flet kot, Rama me siguri gënjen, se nuk e ka për herë të parë

18:35 Politika

Lefter Maliqi zbulon surprizën e madhe: Do fitojmë mbi 100 mandate, e sigurtë. LSI do t'i japë Ramës goditje të përqëndruar

18:00 Politika

LSI i del në mbrojtje ish kryebashkiakut të dënuar për tjetërsimin e pronave, Tit Vasili: Rama është në grahmat e fundit, do t'i fus në burg ata që bashkëpunojnë me të

17:45 Politika