Shumë shpejt Bulevardi “Zogu I” dhe Rruga e Durrësit, dy nga arteriet kryesore të hyrjes në qytetin e Tiranës, do të hapen tërësisht të transformuara, me trotuare më të gjera për këmbësorët dhe rrugë më të mira për automjetet. Në një intervistë për Top Channel, Kryebashkiaku Erion Veliaj tha se punimet në këto dy rrugë po bëhen brenda 6 muajve, kur zakonisht për ndërhyrje të tilla kërkohet deri në 2 vjet kohë.

“Ishin dy investime që duheshin bërë. Më kujtohet kur njerëzit thoshin kur do ndërrohen pllakat te “Zogu I”, kurse tani thonë pse po bëhen tani, duhet të bëhen më vonë. Nuk duhet të bëhemi të gjithë gjithologë. Një punë që tipikisht kërkon 2 vjet kohë, po e bëjmë në 6 muaj. Përpara fundit të tetorit ose fillimit të nëntorit, Bulevardi “Zogu I” do të hapet. Kemi bërë edhe një investim të rëndësishëm në Rrugën e Durrësit, ku ndodhet kolektori i madh i ujërave të Tiranës. Tirana duket sikur është e sheshtë, por në fakt, duke filluar nga Dajti, te Fresku, Rruga e Dibrës, qyteti ka një pendencë disa herë 2, disa herë 3 %. Kjo do të thotë se ujërat përfundojnë në hinkën e Rrugës “Dritan Hoxha”, ku kemi investuar që në vitin tonë të pare. Aty tubacionet e ujërave kanë diametër 120, po ashtu edhe deri te sheshi “Skëndërbej”.

Kurse, Rruga e Durrësit, ku për herë të fundit është investuar me kanalizime që në kohë të fazhizmit, tubacionet ishin me diametër 80. Çfarë ndodh? Të gjithë banorëve të Rrugës së Durrësit u mbusheshin bodrumet dhe katet e para. Me të drejtë, kush jeton në Tufinë apo në Rrugën e “Dibrës” thotë, ç’më duhet mua, por ndërkohë kryetari i bashkisë përgjigjet për të gjithë”, tha Veliaj.

Ai sqaroi se Rruga e Durrësit do të shërbejë si hyrje në Tiranë, ndërsa rruga “Mine Peza” është sërish një rrugë me dy korsi si dalje.

1 komente në “Veliaj jep lajmin e mirë: Së shpejti hapim Blv Zogu I, zgjidhëm problemet me kanalizimet në Rr. Durrësit”

Sa punëtor ky Eri.. says:

30 Shtator, 2020 12:02 te 12:02 pm

Mbulo mutin me shurrë.
Po pse mo lalka Eri eri top sheqeri.
Kryetari yt tha qe 100 vjet nuk do i vihej dorë.
Pse duhej ky rikonstruksion.
Ta them unë pse.
Sepse punimet ishin jo cilësore.
Sipërfaqësore dhe dekorative.
Ku shoku Koço me 2K grupin me Edin bën ca miliona €.
Dhe tani duhet taksapaguesit shqiptare të paguajnë përsëri një 10€ ekstra.
Per show-n e rradhës.
Dhe sespse në gjendjen si ishte katandisur si i bombarduar duhej menjëherë të bëhej make up i rradhës që kryetari yt demagog mos të demaskohej.
Unë nuk jam Saliu e as Iliri.
Por nuk mundet që një buzëqumesht pabuks që rra në pare si puna e këtij fellowship 6 mujor në USA .
Qe është i të 99 të bëj budalla një popull të tërë dhe të na fyej inteligjencën .
Ketu nuk shtrohet se e bëri, se bëri dhe kush bëri me shumë dhe kush e bëri më bukur.
Por si menaxhohen parat publike dhe ku shkojnë ato.
Nëpër çfarë kanalesh klienteliste shkojnë dhe kush përfiton .
Dhe boll me ato show me veshja te thjeshta dhe me biçikleta se nuk I ha njeri.
Lali Eri është zenegjin i ri, i rrënë në pare dhe po bën me lopatë ato.
Gjyshja e ime thoshte zot na rruj nga zengjinët e rinj.

Përgjigjjuni