Te fundit
KED lejon kandidaturën e Sonila Bejtjes për Kushtetuesen, Eugen Papandile nuk plotëson kriteret
9 Tetor 2020, 20:34Kronika
TEMA
Këshilli i Emërimeve në Drejtësi lejon kandidaturën e Sonila Bejtjes për vendin e lënë bosh nga Besnik Muçi në Gjykatën Kushtetuese. Ndërkohë kandidati tjetër, Eugen Papandile nuk e ka kaluar filtrin e plotësimit të kritereve ligjore.
Nga 10 kandidatë për vakancën e shpallur nga Presidenti i Republikës, vetëm dy u lejuan të vijojnë, Bejtja dhe Altin Binaj. Pas kalimit të kësaj faze, të dy kandidatët do t’i nënshtrohen verifikimit të pasurisë, figurës dhe profesionalizmit nga KED.
Njoftimi i KED
Këshilli i Emërimeve në Drejtësi (KED), vijoi këtë të premte, datë 09.10.2020, mbledhjen e tij të radhës, me këtë rend dite:
1. Shqyrtimi i gjetjeve në procedurën e verifikimit për kandidatin për vendin vakant, vakancë e parakohshme në Gjykatën Kushtetuese, e shpallur nga Presidenti i Republikës në datën 22.11.2019.
– Eugen Papandile
– Sonila Bejtja
2. Vendimmarrja lidhur me lejimin/ndalimin e kandidimit të kandidatëve të mësipërm.
Në mbledhjen e sotme merrnin pjesë anëtarët e KED, anëtarët zëvendësues, përfaqësuesi i Avokatit te Popullit, përfaqësuesite Presidentit të Republikës, përfaqësuesi i Kryetarit të Kuvendit.
Mbledhja nisi me miratimin e procesverbalit të mbledhjes së datës 05.10.2020.
Shqyrtimi i rasteve të kandidatëve për vendet vakante për gjyqtar në Gjykatën Kushtetuese është vendosur në përfundim të procedurave të verifikimit rigoroz dhe të thelluar të ndjekura nga Këshilli, sipas ligjit dhe standardeve tashmë të njohura e të aplikuara që kërkohen për përzgjedhjen, qenien dhe konfirmimin në detyrën e magjistratit apo anëtarit të Gjykatës Kushtetuese.
Këshilli i Emërimeve në Drejtësi, pasi shqyrtoi aktet dhe procedurën e ndjekur për verifikimin e kandidaturave dhe dokumentacionin e përgatitur lidhur me plotësimin e kushteve ligjore për kandidim, për secilin kandidat të përcaktuar në rendin e ditës, pasi dëgjoi mendimin e Avokatit të Popullit lidhur me procedurën e ndjekur në verifikimin e kandidaturave, unanimisht vendosi:
A. Lejimin e kandidimit të kandidatëve për gjyqtar në Gjykatën Kushtetuese :
1.Sonila Bejtja, për vendin vakant, vakancë e parakohshme në Gjykatën Kushtetuese, e shpallur nga Presidenti i Republikës në datën 22.11.2019.
B . Ndalimin e kandidimit të kandidatëve për gjyqtar në Gjykatën Kushtetuese si më poshtë:
1.Eugen Papandile, për vendin vakant, vakancë e parakohshme në Gjykatën Kushtetuese, e shpallur nga Presidenti i Republikës në datën 22.11.2019.
Vendimet e plota dhe të zbardhura do të publikohen të arsyetuara në faqen elektronike të Gjykatës së Lartë, në pjesën e caktuar për Këshillin e Emërimeve në Drejtësi.
Kandidatët për të cilët është vendosur ndalimi, kanë patur mangësi të një apo disa kushteve të parashikuara nga Kushtetuta dhe ligji. Kandidatët kanë të drejtën e ankimit në Gjykatën Administrative të Apelit, jo më vonë së 5 ditë nga dita e njoftimit të vendimit të arsyetuar.
3 komente në “KED lejon kandidaturën e Sonila Bejtjes për Kushtetuesen, Eugen Papandile nuk plotëson kriteret”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Militante e opozites ka bere shkrime ku sulmon Teo Jacobs. Rama ben batuta nderkoher Likja po merr Gjykaten Kushtetuese dhe ben e zhben cdo lloj ligji apo miraton cdo lloj dekreti qe i shkon ne koke Likes.
Per te gjithe ate qe nuk e njohin,eshte gruaja e Andi Bejtjas,prandaj mos kini hic merak se eshte e pavarur LOL ?
Rama ja ka fut gjumit me duket,Likja po ben spektakel qe te heqe vemendjen nderkohe rremben kushtetuesen.
Argita dhe Mona kan rreth 15 vjete qe e kontrolloine Sistemin e Drejtesise . Jeten e japin dhe Drejtesine jo! Rama eshte i dobet para tyre, prandaj ben si Kllon me Batutat e tij.