Depozitat në Shqipëri shtohen me mbi 600 milionë euro gjatë pandemisë

Depozitat dhe kreditë në Shqipëri kanë njohur një rritje anemike gjatë viteve të fundit, me normë rritjeje 1 apo 2% në vit. Ritmi mesatar vjetor i rritjes së kredive për vitet 2016-2019 ishte 1.4% ndërsa i depozitave, vetëm 1%.

Por përgjatë periudhës së pandemisë, situata duket se po “përmirësohet”, së paku nëse i sheh treguesit e ecurisë së kredive dhe depozitave të ndara nga pjesa tjetër e ekonomisë.

Depozitat e familjeve dhe kompanive në sistemin bankar në fund të muajit gusht ishin 1.24 trilionë lekë, me një rritje prej 76 miliardë lekëve në krahasim me gushtin e një viti më parë.

Me një normë rritjeje prej 6.5%, në rast se nuk do të ketë ndryshim tendence në muajt e mbetur të vitit, 2020 ka gjasa do të jetë viti me rritjen më të lartë të kursimeve në gati një dekadë.

E njëjta gjë duket se po ndodh me kreditë. Në muajin gusht, stoku i kredive të dhëna nga bankat arriti në 592 miliardë lekë, me një rritje prej 4.1% në terma vjetorë.

Stoku i kredive ka njohur një rënie të lehtë në vitet 2019 e 2018 si dhe një rritje minimale në dy vitet e mëparshme, duke sugjeruar se gjendja e përgjithshme e ekonomisë së vendit përgjatë këtyre viteve ka qenë stanjacion.

Rritja e stokut të depozitave në banka duket se lidhet me mbylljen e shumicës së bizneseve të vendit për afro tre muaj dhe pamundësisë fizike të shqiptarëve për të shpenzuar paratë e tyre, ndërsa rritja e pazakontë e portofolit të kredive duket se lidhet me vendimin e bankave dhe të bankës qendrore për të riskeduluar kreditë e shqiptarëve të vënë në vështirësi nga humbja e të ardhurave të shkaktuara nga pandemia.

Kjo nuk do të thotë se shqiptarët po marrin më shumë kredi gjatë pandemisë por që kredia ekzistuese nuk është shlyer dhe shlyerja e saj është shtyrë për më vonë.

Ekonomia shqiptare pësoi një rënie 10% në tremujorin e dytë të këtij viti, pas rënies 2.5% në tremujorin e parë.

Link: Treguesit kryesorë të sistemit bankar 2012-2019

Si po veprojnë bizneset online gjatë pandemisë: Sfidat dhe qasjet e detyrueshme të tregtarëve në teknologji

14:47 Ekonomia

Administratorja e Inceneratorit të Tiranës përgjigje akuzave: Impianti i Sharrës s'është investim shtetëror por nga koncesionari, mbetjet e Durrësit i kemi marrë me 0 lekë për shkak të emergjencës

12:54 Ekonomia

Porti i Durrësit në shërbim të Kosovës, bizneset: Presim që të vihet në zbatim

17:21 Ekonomia

ANALIZA: Ekonomia në botën e çudirave!

16:57 Ekonomia

Hyn në fuqi vendimi: Ja cilat biznese përfitojnë nga falja e gjobave anti-Covid

14:04 Ekonomia

Stanjacioni i tregut të Fondeve të Investimit

12:00 Ekonomia

Taksat e rënda mbi shtresën e mesme në Shqipëri: Puna e tyre taksohet me 23%, më e lartë edhe se milionerët

21:05 Ekonomia

Miliarda euro investime: Çdo të përfitojë Shqipëria nga “Plani Marshall” i BE-së?

12:06 Ekonomia

Eurostat: BE importoi nga Shqipëria 5.7 milionë euro maska gjatë pandemisë, por rekordin në rajon e mban Maqedonia

08:30 Ekonomia

INTERVISTA/ Marrëveshjet Shqipëri-SHBA, nënsekretari i Shtetit: Do të nxisim investime private amerikane

20:52 Ekonomia