Te fundit
Vijon përplasja në distancë, Mitsotakis: Turqia do ndeshet me pasojat
14 Tetor 2020, 13:12Rajoni
TEMA
Turqia nga e hëna ka rinisur për 10 ditë analizat sizmike për gaz dhe naftë në Mesdheun Lindor, duke irrituar shtetin grek dhe aleatët grekoqipriotë të rajonit.
Rezervat e veta, kryeministri grek, Kyriakos Mitsotakis, i ndau të martën në takimin me kryediplomatin gjerman, Hajko Mass.
Mitsotakis bëri të qartë se pala greke kërkon dialog me Ankaranë por me zhvillimet e fundit, sanksionet ndaj saj duken të pashmangshme.
“Në takimin e fundit të Këshillit Europian, Turqisë i dhamë alternativën të përtërijë raportet me Europën, ose të përballet me pasojat e sjelljes së vazhduar agresive. Për fat të keq, ka bërë zgjedhjen e dytë, dhe nëse kujtoni konkluzionet tona, në rast veprimesh të njëanshme që cenojnë të drejtën ndërkombëtare, ne si BE do përdorim të gjitha instrumentet e nevojshme.”
Ministri i Jashtëm gjerman tha se provokimet e Ankarasë e kanë habitur atë vetë dhe Bashkimin Europian, porse solidariteti për shtetin grek nuk ka ndryshuar.
Eksplorimet e Turqisë pranë ishujve grekë u qortuan një ditë më parë edhe nga Uashingtoni.
Shtrëngimi diplomatik, kërcënimet dhe frikësimi me veprime ushtarake nuk kanë për t’i zgjidhur tensionet në Mesdheun Lindor, deklaroi zëdhënësja e Departamentit amerikan të Shtetit, teksa ftoi Ankaranë të angazhohet për rifillimin e dialogut me Greqinë të lënë përgjysmë në 2016-n.
Turqia pretendon se një pjesë e territorit dhe zonave ekonomike ekskluzive në Mesdheun Lindor Greqia i ka marrë padrejtësisht, ndaj kërkon t’i rifitojë sipas parimit të ndarjes së ndershme.
Një parim të tillë Ankaraja do ta zbatojë edhe për burimet energjetike në territorin qipriot.
1 komente në “Vijon përplasja në distancë, Mitsotakis: Turqia do ndeshet me pasojat”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
keto akrobaci politikanesh, greku tja beje dikujt tjeter e jo turkut.
Gjermania eshte 83 milion ku nder ta mbi 25 milion jane turq, apo me prejardhje turko arabe. Pra cfare lesh presioni mund ti beje gjermania turqise.
Para pak javesh gjermanet i shiten arme turqise, dhe doli ne lajme se jane porosi e disa muajve me pare. Pra ketu ka vetem nje llogjike. Keta bejne politike qe po e hengri turku mire, po se hengri i thone grekut u munduam por skemi se cfare ti bejme. Ne kete rast gjermani e mban mire me te dyja shtetet, i shet arme e ben tregeti qe ate te shkaterohen me njeri tjetrin e Gjermoni bon pare.