Te fundit
Vijon përplasja ushtarake: Dështon përsëri armëpushimi mes Armenisë dhe Azerbajxhanit
26 Tetor 2020, 17:40Bota
TEMA
Një armëpushim i tretë në enklavën e Nagorno-Karabakut duket se dështoi të hënën, duke mos arritur t’u japë fund katër javë luftimesh mbi territorin e diskutueshëm.
Armenia dhe Azerbajxhani akuzuan njëri-tjetrin për shkelje të armëpushimit të ndërmjetësuar nga Shtetet e Bashkuara menjëherë pasi ai hyri në fuqi në orën 8:00 të mëngjesit me kohën lokale.
Ministria e jashtme e Azerbajxhanit tha në një deklaratë se forcat armene kishin hedhur granata në fshatrat e rajoneve Terter dhe Lachin në një “shkelje të rëndë” të armëpushimit.
Nga ana e saj, ministria e mbrojtjes së Armenisë përdori gjuhë të ngjashme, duke thënë se forcat azere kishin “shkelur rëndë” armëpushimin me zjarr artilerie përgjatë pjesëve të ndryshme të vijës së kontaktit.
Departamenti amerikan i Shtetit dhe qeveritë e Azerbajxhanit dhe Armenisë njoftuan për “armëpushimin humanitar” të fundit në një deklaratë të përbashkët të dielën.
Presidenti i Shteteve të Bashkuara Donald Trump shkroi në Twitter “Urime kryeministrit armen Nikoll Pashinyan dhe Presidentit azer Ilham Aliyev, të cilët sapo ranë dakord t’i përmbahen një armëpushimi që hyn në fuqi në mesnatë. Shumë jetë do të shpëtohen”.
Sekretari i Shtetit Mike Pompeo tha në postim në Twitter po të dielën se Shtetet e Bashkuara ndërmjetësoi ” negociata intensive” dhe Ministri i Jashtëm Armen Zohrab Mnatsakanyan dhe Ministri i Jashtëm i Azerbajxhanit Jeyhun Bayramov “janë zotuar ta zbatojnë dhe t’i përmbahen armëpushimit.”
1 komente në “Vijon përplasja ushtarake: Dështon përsëri armëpushimi mes Armenisë dhe Azerbajxhanit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Në Karabah kishte ndodhë e kundërta kishin qenë armenët që me mbështetjen e madhe ruse kishin realizu shkatrrime dhe dëbime masive të azerëve nga vendbanimet e tyre për ata që kanë pa ato vendbanime të këthyera në gërmadha dhe ate në periudhën socialiste tregon sa i degjenerum ishte socialitmi në SSSR dhe ajo propaganda se ndaj armenëve ka ndodh genocid u vetëdenoncu nga masakrat armene kunder azerëve