Te fundit
Historia dramatike: Endri Dumani u takua me të ëmën pas 6 vitesh, pasi u rrëmbye nga babai xhihadist
27 Tetor 2020, 18:34Sociale
TEMA
Eva dhe Endri Dumani ishin përkatësisht 8 dhe 6 vjeç, kur babai i tyre i rrëmbeu 6 vjet më parë dhe së bashku me ta shkoi drejt Sirisë për t’iu bashkuar xhihadistëve në Shtetin Islamik.
Një vit më pas, gjyshja e tyre Mentije Dumani shkoi drejt Sirisë për të tërhequr fëmijët, por edhe ajo mbeti atje, e burgosur së bashku me fëmijët në kampin Al-Hawl deri sa ndërroi jetë disa javë më parë.
Sot, pas 6 vitesh, mamaja e Endrit, Mide Ndregjoni, më në fund arriti të rishohë djalin e saj, i cili ishte pjesë e grupit prej 5 personash të rikthyer nga kampi Al-Hawl, në Siri.
Peng mbetet, gjithsesi, fakti që e bija, Eva, nuk pranoi të rikthehej, duke iu fshehur autoriteteve që ishin futur në kamp për ta kërkuar.
Skena kur e ëma e Endri Dumanit takon të birin pas 7 vjet ndarjeje e njehërësh pritjeje, pasi babai i tyrë u vra në luftë, ka qenë prekëse.
“Të ka mami zemër, Endri, o i bukuri i mamit vet, o rrushi i mamit, shihe mamin”, kanë qenë fjalët e të ëmës që përqafonte dhe puthte të birin, ndërkohë që fëmija tjetër, vajza Eva, nuk mundi të nxirret nga kampi, pasi, në një situatë ende të pasqaruar, është fshehur në çastin kur forcat e antiterrorit shqiptar kanë nisur operacionin e nxjerrjes nga Al-Holi.
Ndërkohë, mes kryeministrin Rama dhe dajës së Endrit u zhvillua kjo bisedë.
Rama: Më vjen keq që nuk e sollëm dot dhe vajzën.
Daja: Nuk di ç’të them tjetër, por je bërë engjëll për ta.
Rama: Besoj që do e sjellim dhe vajzën por është një njëçik më e komplikuar.
Daja: Kam 7 vjet që nuk jam ndalë asnjë ditë, fuqia ime deri këtu ishte.
Rama: Edhe ne nuk jemi ndalur, por nuk mund të flisnim se mund të vinim në rrezik punën. Besoj se do e sjellim dhe vajzën me ndihmën e Zotit.
Rama: E di ça më tha mua ky (i referohet Endrit). U ul aty dhe po më shihte dhe më tha “qënke plak”.
Ndërkohë, daja e Endrit, njëri prej tyre, tha se shpresonte që dhe fëmijët e tjerë të kthehen.
“Falenderojmë edhe mediat që pasqyruan kthimin e tyre nga kampi deri në Shqipëri. Një falenderim për kryeministrin dhe punonjësit. Urojmë që të rikthehen edhe fëmijët e tjerë nga ai kamp”, tha ai.
Të kthyerit e tjerë janë Floresha Rasha me tre fëmijë.
Pas kthimit në Shqipëri së bashku me 5 shqiptarët (mes të cilëve 4 fëmijë), kryeministri Rama, tregoi se si do të bëhet riintegrimi i tyre në shoqëri. “Struktura është gati për këta 4 fëmijë dhe për gjithë të tjerët që do të vijnë më pas, me mësues e psikologë. Do të punohet hap pas hapi për t’i integruar pastaj në strukturat sociale”.
“Më vjen shumë mirë që kemi mbyllur fazën e parë të një operacioni të ngatërruar, sidoqoftë të suksesshëm. Dhe ajo që është edhe më e rëndësishme është që tanimë kemi bazën për të vazhduar me fazën e dytë. Fëmijët e tjerë janë identifikuar, janë bërë një pjesë e mirë e kontakteve dhe intervistave dhe besoj që më herët se vonë, do të kthejmë edhe pjesën tjetër”, deklaroi Rama.
I pyetur nëse personat madhorë të riatdhesuar do të ndiqen penalisht, Rama u shpreh se “kush ka bërë krime do t’i nënshtrohet drejtësisë”. Kryeministri sqaroi, gjithashtu, se shteti shqiptar po ndjek “këdo që është shtetas i Republikës i Shqipërisë, pavarësisht moshës”, duke lënë të kuptohet se është shumë e ndërlikuar përpjekja për largimin nga Siria të personave me kombësi shqiptare, por shtetas të vendeve të tjera.
6 komente në “Historia dramatike: Endri Dumani u takua me të ëmën pas 6 vitesh, pasi u rrëmbye nga babai xhihadist”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ky djali komplet xhihadist .As nuk i hodhi syte te jemes.Femije kriminel,qe po nuk u punua me te do perfundoj si i jati.Muti nen bythe bie
Rama, shpetimtarin do ta beshe kur te zbulosh gjithe rrjetin dhe mafjen e rekrutuesve. Kreret e saj ne Shqiperi.
Por kame bindje qe gjurmet do te te cojne tek byrazeri i Anatolis tek vella Erdogani.
Prandaj te gjithe (gazetar dhe politikan) ngurojne te hapin kete tem kaq te nxehte.
Kush i dergoi ne Siri?
Ku fshihen sot ata qe i derguan dhe cfare postesh mbajne ?
A jane hetuar derguesit e shqiptareve ne Siri pse nuk morren denim dhe ose nuk hetohet por jane te lire rrugeve.
Me cfare te merret shteti me pare: Te merret me grevstet e Ballshit,qe jane mashtruar nga mafiozet e naftes,apo te merret me inxhinieret qe bejne projekte dhe ndertime qe duhen shembur,te merret me opoziten qe ben gjykatesin e djallit,apo te merret me xhihadistet dhe pjellen e tyre qe kur iken me ISIS-in nuk e pyeten shtetin fare!!!
Ato grate mos i ketheni dhe po te kethehen duhen te mos mbulohen , ndryshe le te rine atje me kurdistanin.
Eshte krim me i kthy keta nga siria se eshte e pa mundur te behen njerez normal. Shqiperia nuk i ka kapacitetet ekonomike dhe njerezore per traitimin e aty qe u eshte bere lavazh truri.