Te fundit
Sekretet e Barack Obamës: Ish-presidenti tregon të pathënat nga jeta e tij brenda Shtëpisë së Bardhë
13 Nëntor 2020, 10:39Bota
TEMA
Ish-presidenti amerikan, Barack Obama ka zbuluar detaje të prapaskenave të jetës së tij brenda Shtëpisë së Bardhë.
Obama ka folur për herë të parë për problemet në martesën e tij dhe se si stresi i punës ndikoi që ai të niste duhanin.
Libri i ri me kujtimet e ish-Presidentit, “Një Tokë e Premtuar”, do të dalë në treg më 17 nëntor në të gjithë botën dhe do të jetë i përkthyer në 25 gjuhë.
59-vjeçari rrëfen ndër të tjera në libër se nisi të pinte 8-9 cigare në ditë gjatë kohës që ishte President, por asnjëherë nuk u kap nga kamerat duke konsumuar duhan.
Gjithashtu, Obama shprehet se ka qenë vajza e saj, Malia që e kishte “kapur mat” dhe falë këmbënguljes së saj, ai arriti të hiqte dorë nga duhanpirja.
“Ajo e ndjeu që pija cigare në frymëmarrjen time”, tregon Obama.
Libri me 768 faqe, me titull “Një Tokë e Premtuar”, do të jetë i pari nga dy vëllimet. Në këtë vëllim të parë, Obama do të tregojë përvojat e tij të para politike, ngritjen e tij si një udhëheqës deri në fushatën e tij të parë presidenciale, dhe mandatin e tij të parë deri në vdekjen e Osama bin Laden në 2011.
Në 1995, 14 vjet para se të bëhej president dhe kur karriera e tij politike ende nuk kishte filluar, Obama botoi “Ëndrrat e babait tim”.
Një përrallë e racës dhe trashëgimisë, gjithashtu një libër autobiografik i shkruar pasi ai u zgjodh si presidenti i parë afro-amerikan i Harvard Law Revieë, gazeta e shkollës juridike të Universitetit të Harvardit.
3 komente në “Sekretet e Barack Obamës: Ish-presidenti tregon të pathënat nga jeta e tij brenda Shtëpisë së Bardhë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
“brenda shtëpisë së bardhë më dukej vetja shpirtzi “
“brenda shtëpisë së bardhë më dukej vetja shpirtzi “
“brenda shtëpisë së bardhë më dukej vetja shpirtzi ”
heroi i imoralitetit