Te fundit
FOTOT: Objekti misterioz, që s'dihet nga ka ardhur
24 Nëntor 2020, 19:34Lifestyle
TEMA
Autoritetet lokale në Utah të SHBA janë hutuar nga zbulimi i një monoliti të çuditshëm metali, që u gjet në shkretëtirën e Utah nga një ekuipazh helikopteri.
Objekti “i pazakontë” ishte vënë re ndërsa po numëroheshin dele, gjatë një fluturimi në një zonë të largët jug-lindore të shtetit amerikan.
Ekuipazhi i helikopterit ka bërë të ditur se metali ishte “ si i mbjellë në tokë”, midis shkëmbit të kuq.
Nuk ka asnjë tregues se kush mund ta ketë instaluar monolitin, që është i gjatë 10 deri në 12 metra. Ndërsa, në një intervistë për kanalin lokal të lajmeve KSLTV, piloti i helikopterit, Bret Hutchings, është shprehur se “kjo është gjëja më e çuditshme që kam hasur atje gjatë gjithë viteve të mia të fluturimit.”
Imazhe të metalit në shkretëtirë, janë shpërndarë nga Departamenti i Sigurisë Publike të Utah, ndërsa janë shprehur se autoritetet do të përcaktojnë nëse është e nevojshme të hetohet më tej ky rast.
Ata po ashtu kanë bërë të ditur se është e paligjshme instalimi i strukturave të ndryshme pa autorizim në toka publike, më shprehjen “pa marrë parasysh nga cili planet jeni”, duke nxjerrë në këtë mënyrë edhe dyshime për ndonjë vizitë alienësh.
2 komente në “FOTOT: Objekti misterioz, që s’dihet nga ka ardhur”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ha, ha, ha.
E ka dergu Stanley Kubrick nga varri me doren e ndonje fansi te tij.
Dërgoni Majkon, Mediun dhe Delijorgjin që ta shesin për skrap.