Donald Trump: Largohem nga Shtëpia e Bardhë, nëse Biden konfirmohet nga Kolegji Zgjedhor

Presidenti aktual Donald Trump deklaroi për herë të parë të enjten se do të largohet nga Shtëpia e Bardhë, nëse Joe Biden konfirmohet zyrtarisht si presidenti i ardhshëm i SHBA-së nga Kolegji Zgjedhor.

Kjo deklaratë e sjell më afër pranimit të humbjes, edhe pse Presidenti ka refuzuar të pranojë humbjen në votimin e 3 nëntorit, duke shtuar se do të ishte e vështirë për të, në rrethanat aktuale, ndërsa përsëriti pretendimet e pabazuara për mashtrim masiv të votuesve

Trump nuk pranoi të thoshte nëse do të merrte pjesë në ceremoninë e inaugurimit të zotit Biden më 20 janar.

Joe Biden i fitoi zgjedhjet me 306 vota të Kolegjit Elektoral, shumë më tepër sesa 270 që nevojiteshin, kundrejt 232 të fituara nga Presidenti Trump.

Presidenti Trump deri tani ka refuzuar të pranojë plotësisht humbjen, megjithëse javën e kaluar, me presionin në rritje nga radhët e tij republikane, ai ra dakord të lejonte zyrtarisht ekipin e zotit Biden të fillonte procesin e tranzicionit.

I pyetur nëse do të largohej nga Shtëpia e Bardhë nëse Kolegji Elektoral voton për zotin Biden, Presidenti Trump tha: “Sigurisht që do ta bëj. Padyshim që do ta bëj. Dhe ju e dini këtë”.

“Por unë mendoj se do të ketë shumë gjëra që do të ndodhin nga tani deri në 20 janar. Shumë gjëra,” tha ai. “Është gjetur mashtrim masiv. Jemi bërë si një vend i botës së tretë.”

Përpjekjet e Trump dhe të ndihmësve të tij për të përmbysur rezultatet në shtetet kryesore, ose me procese gjyqësore ose me presion ndaj ligjvënësve të shtetit, kanë dështuar dhe alternativat e tij po shterojnë.

Dorëheqja e një ministreje që tronditi Estoninë

21:56 Bota

Ish-kryeministri sudanez vdes nga COVID-i: Kush ishte Sadiq al-Mahdi

21:46 Bota

15 vitet e Angela Merkelit, si “perandoreshë” e Europës

21:26 Bota

PIKEPYETJET: Përse shumë njerëz nuk duan të vaksinohen kundër Covid-19?

20:07 Bota

Tërhiqet Universiteti i Oksford, kërkon më shumë kohë për vaksinën

19:25 Bota

STUDIMI/ Problemet e gjetjes së fjalëve dhe një episod psikologjik: Pse na ndodh të themi “…e kam në majë të gjuhës”

17:26 Bota

Turqia optimiste, nuk pret sanksione nga Bideni për sistemin rus të mbrojtës, S-400

16:58 Bota

SHBA, rekord ditor infeksionesh me koronavirus

16:08 Bota

ANALIZA: Covid-19, cilët duhet të vaksinohen të parët?

15:53 Bota

Erdogan: Fundi i digjitalizimit që e sheh individin si emër ose numër çon në fashizëm

14:12 Bota