Te fundit
Plagosja në Vlorë, Policia jep detajet e ngjarjes: 46-vjeçari u dëmtua me send të fortë në kokë
13 Dhjetor 2020, 18:06Kronika
TEMA
Policia e Vlorës ka dhënë versionin zyrtar për plagosjen pasditen e sotme në Vlorë.
Sipas Policisë, afër Gjykatës së Apelit në Vlorë ka ndodhur një konflikt, nga i cili ka mbetur i plagosur 46-vjeçari K.M, me send të fortë në kokë.
Ai u dërgua në spital dhe ndodhet jashtë rrezikut për jetën, teksa Policia ka shoqëruar disa persona.
Fillimisht në Vlorë u raportua për një plagosje me armë zjarri, teksa më pas doli që i plagosuri mund të jetë goditur me mjet të mprehtë, por në vendngjarje është gjetur edhe një gëzhojë. Policia nuk e saktëson me çfarë u godit i plagosuri duke thënë me send të fortë në kokë.
Ndër të tjera policia njofton:
“Vlorë/Informacion paraprak
Rreth orës 17:20, në afërsi të Gjykatës së Apelit, Vlorë, si pasojë e një konflikti të çastit është dëmtuar në kokë, dyshohet me një send të fortë , shtetasi K. M., 46 vjeç, banues në Vlorë, i cili është dërguar për ndihmë mjeksore, jashtë rrezikut për jetën.
Sherbimet e Policise kane shkuar menjeherë në vendngjarje. Është ngritur grupi hetimor i cili vijion veprimet në vendin e ngjarjes me qëllim zbardhjen e rrethanave të ngjarjes, identifikimin dhe kapjen e autorit.
Në ambientet e Komisariatit të Policisë Vlorë janë shoqëruar disa persona për tu marrë në pyetje në lidhje me ngjarjen”, komunikon policia.
Lini një Përgjigje
Më të lexuarat
24 oret e fundit
Javen e fundit
Blog Tema
