Gazeta e presidentit 'sulmon' kreun e PD: Rama tha se Basha është i mirë, kurse Meta dhe Berisha janë e keqja! La “ushkurin” lidhur te dera e SHQUP

Protesta e shuar pas vrasjes së Klodian Rashës nga një efektiv i policisë së shtetit ka sjellë dhe një çarje të re brenda radhëve të opozitës.

Gazeta afër Presidentit Ilir Meta dhe LSI, “Koha Jonë” ka artikuluar fjalën e Edi Ramës një ditë më parë, duke nënvizuar se kryeministri e la “ushkurin te dera e SHQUP”, pasi sipas saj kishte vlerësuar pozivisht Lulzim Bashën për qëndrimin ndaj protestës së të miturve dhe sulmuar Ilir Metën e Sali Berishën.

Gazeta e Nikoll Lesit shkruan se:

“Dje kryeministri Rama foli gjatë në një konferencë shtypi nga zyra e tij e ngrohtë në kryeministri. Pasi sulmoi me të gjitha bateritë protestuesit, Ilir Metën e Sali Berishën, ai, pra shefi i Rilindjes lëshoi një ofertë ndaj Lulzim Bashës. E lajkatoi si njeri që nuk bën dhunë dhe nuk organizon protesta, por e quajti si lider pa dinjitet se nuk flet kundër protestuesve të këtyre ditëve.

Në të gjithë fjalimin e tij të gjatë, ku pyetjet i kishte bërë vetë me Endri Fugën dhe përgjigjej po vetë duke bërë një sulm frontal dhe të pamoralshëm ndaj Presidentit të Republikës, Ilir Meta dhe ish-kryeministrit parardhës, Sali Berisha.

Kryeministri foli për shpërblimet e Vitit të Ri për pensionistët, duke iu dhënë nga një gjel deti, por nuk foli për rritjen e pensionëve të tyre, të cilat prej 8 vitëve i ka rritur nga 2500 lekë të vjetra në vit, ndërkohë që pensionet duhet të ishin dyfishuar; nuk foli për korrupsionin gjigand të qeverisë së tij, por duhej të dilte  “Transparency International”, institucion i specializuar për korrupsioin që të thoshte se qeveria shqiptare po vjedh në çdo gjë; kryeministri mori përsipër se ai drejton policinë e shtetit dhe se ai është “komandant” i forcave speciale.

Mënyra se si kërciste dhëmbët dhe si zgurdullonte sytë sa herë fliste për Ilir Metën dhe Sali Berishën, ai manifestonte frikë dhe panik nga humbja e pushtetit me 25 prill.

Edi Rama dje foli gjithë mllef ndaj Presidentit Meta, pasi e shikon si pengesën kryesore për vjedhjen e zgjedhjeve me 25 prill. Ndërkohë për liderin e opozitës Lulzim Basha tha se i vjen keq në pozitën ku ai ndodhet mes Ilir Metës dhe Sali Berishës.

Më pas Kryeministri vazhdoi retorikën e tij politike dhe elektorale kur tha se protestuesit ishin inspiruar nga Presidenti. Konferenca e shtypit e shefit të Rilindjes ishte shprehje e një tensioni të madh para elekoral dhe tmerri popullor pasi Ilir Meta ka kërkuar as më pak e as më shumë që populli të dalë si Referendum ndaj krimit, oligarkisë dhe korrupsionit.

Presidenti nuk ka thënë votoni LSI, ai ka kërkuar që popullit të dalë me shumë se 90 përqind në votime, pasi vetëm kështu mposhtet mafia që ka uzurpuar shtetin. Natyrisht kur ke mizën nën kësulë, shpupurisesh prej sikletit dhe frikës së rënies së pashmangshme nga pushteti 8 vjeçar si kryeministër dhe 22 vjet si pushtetar.

Edi Rama ka një problem të madh psikologjik; ka frikë nga ikja prej pushtetit. Frikë që sjellë edhe sirena të SPAK mbi qeverinë e tij. Ai e di mirë se kur të rrëzohet, do të flasin ministrat dhe ish-ministrat e tij, sapo SPAK ti thërrasë ata do të tregojnë “shokët”, sepse qelitë nuk i përballojnë. Po folën del emri  i kryeministrit.

Prandaj Edi Rama e la një ushkur lidhur te dera e SHQUP-it kur akuzoi vetëm Ilir Metën dhe Sali Berishën”.

Nuk është hera e parë që mediat afër Metës sulmojnë liderin demokrat, i cili në raste të caktuara qëndron larg rrëmujës, ndoshta nga frika e ndërkombëtarëve por dhe për të shpëtuar një moment nga “morseta” e Berishës dhe Metës që nuk e lënë të marrë frymë.

Basha si Meta: Boll më, jemi varfëruar shumë! Koha për ndryshim, shqiptarët më meritojnë mua

09:40 Politika

Luan Rama rrëfehet: Përse e rraha Ilir Babaramon gjatë një feste

09:34 Politika

Grushti i shtetit më 1998, Artan Hoxha: Makina e Perikli Tetës është qëlluar me kallashnikov, i vetmi ministër që nuk e braktisi detyrën

09:12 Politika

Grida Duma: Politika arena e të fortëve, kalon përmes dhunës. Por të luash me rregulla s’është dobësi

08:40 Politika

Sandër ‘Kimiku’? Lleshaj flet për nofkën: Njerëzit në darkë kanë shkuar në shtëpi, jo në varreza

08:20 Politika

Mllefi me Ramën, Albin Kurti: Revoltat në Shqipëri treguan se duhet ndryshuar sistemi. Në Kosovë kanë shpresë tek unë, ndaj s’ka revolta

20:44 Politika

Raporti për Ballkanin Perëndimor, Transparency International liston afera korruptive në Shqipëri

20:17 Politika

Qeveria vendos: Besart Kadia në vend të Belinda Ikonomit në grupin negociator për Shqipërinë me BE

19:25 Politika

"Meta orkestrues"! Akuzat e Ballës: Berisha kërkon nga këto protesta arkivole, ai ka në repertor tritolin e dinamitin në shtyllat e tensionit të lartë

19:17 Politika

Komisioni i hetimit të raportit të Dick Martin që inkriminoi UÇK-në: Lulzim Basha do të dëshmojë

19:05 Politika