Te fundit
Klubet i dorëzojnë futbollin në dorë Armand Dukës, miratim pa asnjë debat i statutit të skandaleve
18 Dhjetor 2020, 12:45Sport
TEMA
Komuniteti i futbollit shqiptar ka vendosur sot të heqë dorë plotësisht nga të drejtat e tij në vendin tonë, duke i dorëzuar vendimmarrjen e plotë FSHF-së dhe centralizuar kontrollin e tij te presidenti aktual i FSHF-së, Armand Duka.
Me 56 vota pro dhe vetëm një abstenim, pa asnjë debat të vetëm apo qoftë edhe pyetje, statuti i ri i FSHF-së është miratuar i plotë në bllok, duke ndryshuar tashmë panoramën e futbollit shqiptar sipas dëshirave të FSHF-së.
Me dokumentin e ri, klubet e Kategorisë së Dytë nuk do të kenë më të drejtë vote, pasi atë ua jep vetëm Shoqata Rajonale e cila komandohet nga FSHF, sipas kritereve që përcakton ajo.
Ndërkohë, nuk lejohen të kandidojnë për poste të larta drejtuese persona që kanë qenë pjesë e subjekteve politike në 5 vitet e fundit, apo edhe figura të sportit shqiptar me banim jashtë vendit tonë, pavarësisht kontributit apo njohurive të tyre në administrimin e futbollit.
Statuti i ri parashikon gjithashtu shumë ndryshime të tjera, mes të cilave edhe vendimin e mundshëm të FSHF për të kërkuar që klubet të paguajnë për çdo ndeshje që luajnë, apo i jep të drejtën Ekzzekutivit të përjashtojë në çdo moment një klub pa pasur një arsye të mirëfilltë, duke hequr fjalën “rrethana të jashtëzakonshme” nga formulimi i nenit.
Të gjitha vendime që janë miratuar në bllok, me vetëm një abstenim dhe me komunitetin e futbollit që ka kyçur përsëri gojën, duke vendosur përfundimisht të dorëzohet përballë një sistemi që do të vendosë gjithcka rreth fatit të tyre.
Lini një Përgjigje
Më të lexuarat
24 oret e fundit
Javen e fundit
Blog Tema
