Te fundit
Pjesë e organizatës kriminale e abuzonte seksualisht me të miturit: Dënohet mbi 1 mijë vjet burg kreu i kultit në Turqi
11 Janar 2021, 18:31Bota
TEMA
Një gjykatë turke dënoi sot Adnan Oktar, udhëheqësin e një kulti, me mbi 1.000 vjet burg për dhjetë krime të ndryshme, shkruan Anadolu Agency.
Gjykata e Krimeve të Rënda në Stamboll gjykoi 236 të pandehur, përfshirë 78 të paraburgosur, për krimet e tyre të organizuara nën drejtimin e Oktarit, thonë burime nga gjykata në kushte anonimiteti.
Gjykata e dënoi Oktarin me gjithsej 1.075 vjet e tre muaj burg nën akuzat e “themelimit dhe udhëheqjes së një organizate kriminale”, “spiunazh politik ose ushtarak”, duke ndihmuar “Organizatën Terroriste FETO” edhe pse nuk ishte anëtar i saj, “abuzim seksual i të miturve, abuzim seksual, privim i lirisë së personit, tortura, shkelje e të drejtës për arsimim, regjistrimi i të dhënave personale dhe kërcënim”.
Udhëheqësi 64-vjeçar i kultit, i cili kishte një kanal televiziv, u arrestua në vitin 2018 së bashku me mbi 200 bashkëpunëtorë, pas akuzave për abuzim seksual dhe rrëmbim të të miturve.
Kanali televiziv i Oktarit transmetonte shfaqjet e tij të rrethuar nga gra të cilave ai iu referohej si “kotelet” e tij. Tarkan Yavaş, një nga të pandehurit, gjithashtu u dënua me 211 vjet burg si anëtar ekzekutiv i organizatës, abuzim seksual të të miturve, abuzim seksual, deklarim të rremë të pasurisë dhe të dokumenteve zyrtare.
Oktar Babuna, i pandehuri tjetër, u dënua me 186 vjet burg për anëtarësim në një organizate kriminale, abuzim seksual të të miturve dhe abuzim seksual. Gjykata vazhdon të deklarojë vendimet për të pandehurit e tjerë.
2 komente në “Pjesë e organizatës kriminale e abuzonte seksualisht me të miturit: Dënohet mbi 1 mijë vjet burg kreu i kultit në Turqi”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Sa shumë rrojtkan qafirat që të kryejnë gjithë atë dënim!?!?!?
Çudira ligjore.
U prish dynjaja ! Keta beqira turkiko merren me kalamaqe, papudhet pederaste greke te peshojne nga koqet !
Sdi njeriu i gjore nga tja mbaje