Te fundit
Të handakosësh adoleshentin për të rritur shikueshmërinë
24 Janar 2021, 10:03Politika
TEMA
Nga Çapajev Gjokutaj
Një nënë braktis të birin, foshnjë 3 ditshe, dhe kthehet ta takojë pas… 11 vjetësh. Vërtet kanë kaluar shumë kohë po nëna vjen ngakuar me ‘peshqeshe’.
I kumton të birit se familja ku është rritur s’është e tij, se ata që i janë bërë babë e mëmë dhe, me shumë njerëzillëk kanë sakrifikuar për ta rritur, s’kanë lidhje gjaku me të.
Qershia mbi tortë është çasti kur i sjell ‘sihariqin’ se djali i gjorë nuk ka as baba biologjik të identifikuar, është ngjizur gjatë një nate kobzezë, kur të ëmën e kanë përdhunuar pesë të rinj.
Jeta e nënës, duke nisur nga fëmijëria, tek braktisja e foshnjës e deri te ritakimi me të birin, është dramë e shkuar dramës. Vuajtjet e saj s’kanë si mos të të prekin. Por keqardhja dhe empatia që ngjall rrëfimi i fatkeqes nuk e justifikojnë kurrsesi veprimin që po kryen.
Vjen dhe hyn në jetën e të birit pa pritur e pa kujtuar. Dhe ‘zgjedh’ një kohë shumë delikate, periudhën kur i biri po shkel në adoleshencë.
Dihet se për këdo kjo është moshë problemore. Fëmija sheh se po burrërohet, por së brendshmi ndjen që është akoma i dobët. Kjo kontradiktë bën që adoleshenti të jetë në kërkim të etshëm të identitetit e për rrjedhojë të mos gjejë karar me veten por sidomos me prindërit dhe të afërmit.
Ritakimi në këtë moshë delikate e plot rreziqe mund të qetësojë nënën, por rrit pasiguritë dhe rreziqet për djalin. Për më tepër se nëna nuk ka ‘zgjedhur’ që gjithë këto drama e peripeci t’ia rrëfejë të birit në intimitet, por ia defteris në distancë e në mexhlis, përmes ekranit të televizorit.
Një nënë me fatin dhe formimin e kësaj edhe mund të gabojë, por puna fillon e mban erë kur në mes hyjnë gazetarët dhe përpiqen ta shndërrojnë gjithçka në telenovelë me qurra e me lotë.
Ngjan se është dëshmi amatorizmi e injorance kur merr një njëmbëdhjetëvjeçar dhe, kundër ligjit e nxjerr në ekran me zë e me figurë, për t’i thënë publikisht gjëma të tilla. Por në thelb është shumë më tepër se kaq, është krim: për të rritur shikueshmërine, damkos publikisht një fëmijë.
S’mbetet veçse të thuash se kjo s’mban erë po kutërbon dhe pastaj të parodizosh Shekspirin ‘shikueshmëria është gracka, ku fatkeqët kapen si laraska’.
14 komente në “Të handakosësh adoleshentin për të rritur shikueshmërinë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Mos kerko moral ne media, ku me se shumti prej tyre jane ngritur me para te krimit!
Çfar patën me atë fëmijë , pse e shkatrruan, ishte si kokrra e mollës tani do ta bëjnë me probleme.
Gazeta Tema: Të gjitha të drejtat TË rezervuara (jo E rezervuara)!
Rregullojeni ju lutem!
Emil Lafe
Sakte z. Gjokutaj Per te kapur shikueshmerine televizionet tona po kthehen ne tallava.Me e pakta televizionet qe kane zgjedhur te jene kombetare duhet te kene kontroll per ate qe i ofrojne publikut.
Shume e drejte, Çapajev.
Shume e drejte
Ndaj mendimin me Zotin Gjokutaj, kjo është shkelje drastike e të drejtave të fëmijës, veç se munden, gazetare pa dinijitet. Përse shteti nuk i mbron këtë fëmijë ? Duhet gjobë për ketë gjest jo njerëzor! Si luhet ashtu me ndjenjat e fëmijëve! Turp!
Kur shikoj ate sqapin e dhine te shqiperia live me perzihen zorret e barkut e tham me vehte ku ka perfundua ai tv modern qe e krijoj indjeri Hoxha e ngeli ne dore te kurvave,prandaj shikoni ate sqapin e dhine tu japin detyra ministrave,gjykatave,prokurorive,policise e shtetit duke servisur ne kanal probleme qe jane ne hetim e gjykim e gjthe hare kurvash e gabel e njerz te droguar
Nje “Te Lumte” te madhe
Ky Topi e ka qelb fare ! Per ca klikime me shume u jep ze dhe fugure shume pislliqeve njerezore.
A mendojne ato gazetaret si mund te ndjehet ai djali kur I kerkojne atij se si ndjehet apo si mund te ndryshoje jets e tij neser???
O zoti ” Din” te gjithe ata qe punojne ne tv Klan, Me i Miri Kanal, Lajme 24, Syri i Sali Ram Berishes, etj etj, jane cjeper e dhi.
Falemnderit!
Te lumte ajo mendje dhe dore, profesor, e ke qare. Si emision eshte niveli me i ulet, ne tematika, ne nivelin e komentuesve te ricikluar. Do zoti, fjala juaj i ben te reflektojne vete, se organizata ne mbrojtje te femijve flene, zgjohen kur i nxidin partite, kryesisht per abuzimet seksuale
Bravo, kaq bukur nuk thuhet e shkruhet. Po jetojme nje kohe te llahtarsheme, ku vetem paraja,paraja dhe asgje tjeter nuk ka vlere.po a kane kontroll keto media? A ka ligj e ndeshkim per to?
Mirënjohje për njerëz si ju që e trajtojnë problemin ashtu si duhet. Por të vjen keq që megjithë reagimin e shumë lexuesve, nuk ja ndjen medias shqiptare, vazhdon në këtë rrugë, dhe e sheh në të gjitha emisionet. Keni shumë të drejtë për emisionin Shqipëria Live. Të vjen keq për këta lloj gazetarësh që paguhen nga taksat e shqiptarëve. Cili është qëllimi? E kuptoni dot po të shihni temat që trajtojnë? Vërtiten sa andej këtej, marrin direkt në intervistë njerëz që dalin e thonë se jam motra e Klodian Rashës, p.sh, e ndonëse nuk ishte e vërtetë as gazetarja që i vuri mikrofonin nuk i hyri gjë në këmbë, e as këta bukurosha nuk bënin pyetje nisur nga një gazetar profesionist. E mos harroni se ajo ishte një nga inisiatoret për gjithë ato shkatrrime që pasuan pastaj. E Kristi Gongo? vazhdon punën. A i besohet kësaj gazetareje?
Dhe po të vini re kur transmetohen lajmet, që nga mëngjesi deri në mbrëmje, është i njëjti lajm. Konstatohet një prishje rruge, po themi, dhe vazhdon ngjyrosja e lajmit sipas medias që e transmeton. Po mirë o gazetarë, nga mëngjesi deri në mbrëmje, pse nuk përpiqeni të kontaktoni anën tjetër të medaljes? Dmth të merrni informacion pse kjo rruga u prish, cili është reagimi i firmës që e ka ndërtuar? Të paktën të thoni, u përpoqëm të kontaktonim, por nuk na u përgjigj njeri. Gazetarët seriozë dhe neutralë, kështu bëjnë. Nuk ka nevojë të investigoni, mjafton të jepni të dy anët e medaljes. Vetëm kështu mund të bëheni të besueshëm. Shfrytëzimi i fëmijëve për të bërë lajm, po të ishit në perendim, do ju penalizonte. Keni luajtur mëndsh, për disa klikime shisni gjithshka.