Te fundit
Taulant Seferi rikthen Tiranën tek fitorja. Laçi merr trë pikë të arta ndaj Teutës
31 Janar 2021, 15:48Sport
TEMA
Pas një periudhe me rezultate negative dhe një ambienti jo shume pozitiv, Tirana ka marrë “frymë”.
Bardheblutë që sot i drejtonte trajneri i ri Orges Shehi kanë arritur të rikthehen tek fitorja, duke mundur në transfertë Apoloninë.
Debutim me fitore për trajnerin Shehi, por dhe për Taulant Seferin që gjeti golin e tij të parë me fanellën bardheblu.
Sulmuesi i kampionëve të Shqipërisë shënoi golin e parë në kampionat në minutën e 76-të të takimit.
Një fitore që e ngjit Tiranën në kuotën e 23 pikëve në vendin e gjashtë.
Ndërkohë, edhe Laçi ka marrë një tre pikësh të artë në një përballjë mjaft të vështirë në fushën e saj përballë Teutës.
Heroi për ekipin e Shpëtim Duros ishte i përhershmi Metor Mazrekaj që i dha një tjetër sukses ekipit të tij.
Mesfushori kosovar përfitoi nga një gafë e mbrojtjes së Teutës duke shënuar golin e vetëm të takimit.
Me këtë fitore Laçi shkon në kuotën e 27 pikëve të grumbulluara, aq sa ka dhe Teuta me Partizanin, me këtë të fundit që do luajë përballë Vllaznisë në 16:45. (TemA)
Lini një Përgjigje
Më të lexuarat
24 oret e fundit
Javen e fundit
Blog Tema
