Te fundit
Ngërçi i Lulzim Bashës me “5 pikat e panegociueshme” të LSI-së
1 Shkurt 2021, 09:52Politika
TEMA
Nga Ylli Pata
Opozita po futet në zgjedhjet e 25 prillit jo vetëm me lista të veçanta, por edhe me premtime të ndara.
Thelbi është se Lulzim Basha dhe Monika Kryemadhi kanë ide jo të njëjta për paratë që do të shpërndajnë për njerëzit.
LSI mendon që të japë më shumë para për çiftet e reja, PD më pak. Përveç taksës së sheshtë për të ardhurat, dy partitë e opozitës nuk kanë bërë një program të njëjtë.
Por çfarë do të ndodhë nëse PD e LSI do të marrin qeverinë?
Monika Kryemadhi deklaroi dje se “5 nga pikat tona të programit- ku futet dhe 25 mijë dollarëshi për çiftet e reja që lindin fëmijë- janë të panegociueshme”.
Do të thotë, se PD do të detyrohet të pranojë një qeveri me LSI-në, edhe pse paraprakisht e sheh të pamundur këtë shifër.
Por realisht çfarë ndodh paraprakisht? Le ta zëmë e PD e LSI marrin shumicën parlamentare në prill, e në qershor, do të duhet të formojnë Qeverinë.
Nga dhjetori do të hartojnë buxhetin e ri, pasi deri atëherë do të punojnë me atë të miratuar në Kuvend nga Qeveria e PS-së.
Do ta marrin Qeverinë në kulmin e emergjencës Covid, ku vaksina, pra blerja e saj do të marrë pjesën e luanit të buxhetit të shtetit, e sipas gjasave, nuk nuk do të ketë paratë në buxhet.
Do të heqin siç kanë thënë PPP-të e sterilizimit, dializës, se ajo e ‘check-up’ është hequr.
Nëse bëhet kjo, atëherë do të duhet të rrisin buxhetin për një strukturë shtetërore që do të bëjë sterilizimin dhe dializën.
Ja u bë, dhe teprojnë pak; do të shkojnë për vaksinën. Ah, ja u hoq taksa e qarkullimit, karburanti edhe mund të ulet, edhe mundet, se kjo s’ndodh aq kollaj, pasi ata që e kanë blerë me shumicë në depozitat e Porto Romanos kanë paguar edhe taksën e qarkullimit. Ulja mund të nisë nga 2022.
Po të ardhurat në buxhet nga taksa e sheshtë. Edhe kjo mund të ndjehet nga fundi i vitit të ardhshëm, ose në 2023.
E paratë për çiftet që bëjnë fëmijë? Pagesa e interesave të kredive?
Kur PD erdhi në pushtet në 2005, taksën e sheshtë e nisi në fund të 2007 dhe efekti erdhi në 2008, ku natyrisht kishte një rritje të pagesës së taksave falë ndërtimit, e nga kjo politikë u dëmtuan bizneset e vogla.
Në 2007 u mbyllën pjesa më e madhe e dyqaneve të mishit apo të marketeve edhe si pasojë e hapjes së qendrave të mëdha tregtare, që sollën vërtet më shumë lek në shtet, por prodhuan më shumë papunësi.
Po lekët, lekët që qeveria do t’u japë familjeve ku do të vijnë? I vetmi rast ku qeveria në Shqipëri ka shpërndarë lekë, dhe pse me pikatore, ka qenë pandemia.
Të gjitha rastet e tjera kanë qenë ndihmë ekonomike.
Megjithatë, LSI hyn në fushatë me një kartë më shumë se PD-ja, pra jep më shumë nga buxheti për njerëzit për familjet. PD-ja si parti e madhe tregohet më dorështrënguar.
Po pse PD nuk e bën këtë llogari duke e krahasuar me buxhetin e shtetit në shifrën vjetore; sa janë të ardhurat e sa janë shpenzimet?
Nejse ky është vërtet problem sesi palët do të merren me faktin, nëse marrin pushtetin.
Por sot ne flasim kur ata nuk e kanë. E kur bëhet fjalë me një formacion të madh si PS-ja, që ka një program, dhe dy ose më shumë, nga opozita se ka edhe parti të tjera që kanë qëndrime të ndryshme, për çështje të caktuara.
Pra nuk ka një program të një opozitës, por kemi dy opozita me programe të ndryshme.
Logjikisht kjo nuk përbën dramë pasi ndodh përgjithësisht në çdo vend, ku forca të ndryshme dalin para zgjedhësve me programet e tyre, duke i orientuar paraprakisht se kush do të jenë aleancat qeveritare.
LSI e ka bërë të qartë se si kryeministër njeh Lulzim Bashën.
Por a mundet një kryeministër që të hyjë në aleancë me një forcë politike, kur kanë qëndrime të ndryshme?
Edhe ndodh, por paraprakisht Basha duhet të thotë se çdo bëjë me “planin e panegociueshëm” të LSI-së.
6 komente në “Ngërçi i Lulzim Bashës me “5 pikat e panegociueshme” të LSI-së”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Gare , kush do hape THESIN me shume e me pare ,
“Debati” qe bejne apo qe mund te bejne , thjesht per te na mbushur mendjen qe keto s’jane pune thasesh , por produkt i nje programi shkencor , i detajuar dhe i realizushem , per te miren e popullit , ku bejne pjese dhe ata vete !
Të fitojmë njëherë pastaj i bëjmë llogaritë! Tani jemi në fushatë bëhen premtime dhe ne na duhen votat. Kush ta hajë ta hajë. Ne e dimë se populli beson më shumë gënjeshtrat se të vërtetet dhe ne me këtë fakt luajmë fort.
Si ka mundesi te kandidoj Lul Basha per deputet e per kryeminister kur ai eshte me preçident penal per rrugen e kombit dhe per 21 Janarin. Edhe sikur te mos jete,populli e njeh ate si hajdut,vrases dhe tradhetar ndaj atdheut,nuk ja jep voten.
Nese eshte populli injorante i jep vote por nese pak i intereson biografia e Lulit do ta shpallin armik i popullit me namet e nishanet. dhe premtimet jane aq banale sa qe syri nuk i ngopet . Palaqoja me floke gjithnje te vizelluara me gell mund te kandidoj vetem per mister azgje tjeter.
Sa shume mendojne per ne popullin e shkrete para zgjedhjeve , na mbushin me pare e me bollek , por mbas zgjedhjeve per çudi paret fluturojne fill ne xhepin e P.D se dhe te L.S.I se sepse e kan mesuar permendesh ate rruge tash 30 vjete .dhe xhepi jone mbetet i mbushur me premtime , ndersa xhepi ( thaset ) e ture te mbushur plot me leket . Ja keto pune do beje Luli me Monen qe mbaruan tash 10 vjet a me shume per tu bere nje çike kryeministra qe kete do ta arrijne rreth 2051 shi . Duron Luli e Mona deri ne 2051 shin se te rinj jane dhe koka do tu rritet plot duke rrejtur popullin .
Ζoti Ylli, u thuaj dhe ndihmoi keta derdimene politike qe kerkojne te na qeverisin, te publikojne PROGRAMIN POLITIK QEVERISES. Cfar politike do te ndjekin per permiresimin e gjendjes social-ekonomike ne Shqiperi, e te tjera fusha te politikes se nje shtetl. Keto qe degjojme poshte e perpjete ne takime gjithfaresh, nuk jane program politik. Une e dua kryeminister Lulzim Bashen, apo Monika Kryemadhin, nese me mbushin mendjen per politikat qe do te ndjekin, jo sa para do shperndajne. Keta d.m.th. kandidate per udheheqes ekzekutive me shpeblime do ta zhvillojne shtetin. Nuk kane keshilltare keta lloj politikaresh, te pakten ti mesojne si te bejne politike, se keshtu bejne vetem estrade. Respekte i dashur Ylli.