Te fundit
“Është më i frikshëm se El Chapo”, legjenda e DEA-s: Bosi i kartelit mund të mos arrestohet kurrë
21 Shkurt 2021, 16:48Politika
TEMA
Është një prej bosëve më të fuqishëm të momentit në botën e nëndheshme meksikane. Por edhe pse është më brutal dhe i pamëshirshëm sesa El Chapo, Nemesio Oseguera Cervantes, i njohur ndryshe si El Mencho, mund të mos përfundojë kurrë para drejtësisë.
Në një intervistë për “The Sun”, Mike Vigil, ish-shefi i DEA-s amerikane, e cila prej dekadash tashmë është vënë në gjueti të bosëve të karteleve meksikane të drogës, thotë se El Mencho tashmë ka shumë më tepër pushtet sesa kishte El Chapo. Ai ka një ushtri të armatosur “deri në dhëmbë” për të mbrojtur perandorinë e tij me vlerë 1 miliardë dollarë, thotë Vigil.
“Do ta përshkruaja si një njeri tej mase të dhunshëm, shumë dinak, por jo fanatik si pjesa më e madhe e trafikantëve të drogës”, thotë Vigil.
Aktet e dhunës që anëtarët e kartelit të tij, të quajtur Jalisco Nueva Generacion, janë krahasuar me ato të ISIS në Lindjen e Mesme. Rrëfimet për sulme të tipit terrorist, apo për tortura çnjerëzore që i bëhen rivalëve, duke u shkulur zemrën, hedhur në acid, apo duke i varë në mes të qytetit, kanë shërbyer për të rritur reputacionin e El Mencho-s.
Shpesh, ushtria e tij private ka sfiduar edhe ushtrinë e mirëarmatosur meksikane. Ai është krimineli më i kërkuar nga DEA, e cila ofron 10 milionë dollarë shpërblim për këdo që ndihmon në kapjen e tij.
Vigil e ka vëzhguar nga afër El Mencho-n dhe kartelin e tij. “Është vdekjeprurës si një gjarpër me zile dhe shumë më vrastar se El Chapo”, thotë ai. “Ai është shumë ndryshe nga El Chapo, nuk vrapon pas femrave dhe luksit, por investon shumë para në krijimin e forcave paraushtarake të cilat lëvizin me mjete të blinduara. Shumë trafikantë investojnë në qendra tregtare, ferma, bizhuteri dhe pasuri të patundshme. Por El Mencho investon te njerëzit e tij dhe vetëm sa i shton radhët e kartelit Jalisco Nueva Generacion”.
Ai beson se një person i tillë kaq paranojak, vështirë se do të arrestohet ndonjëherë. “Mbrohet shumë dhe nuk shoh ndonjë shpresë për kapjen e tij tani shpejt. Ai qëndron maksimalisht 2 netë në të njëjtin vend dhe lëviz i rrethuar me një shpurë të madhe dhe pajisur me armatime të rënda. Për më tepër lëviz nëpër male dhe kjo i vështirëson shumë punën për arrestimin e tij. El Chapo nisi të bënte gabime, njëri prej tyre ishin femrat. Kjo solli edhe arrestimin e tij. Ndërsa El Mencho nuk i ka këto fiksime, është tepër i dhënë pas bashkëshortes. Tregon gjithmonë shumë kujdes”.A2
Nemesio Oseguera Cervantes. El Mencho
El Mencho, kreu i kartelit të fuqishëm Jalisco Nueva Generacion
Mike Vigil, ish-shefi i DEA-s amerikane
Ushtria e tij private rrëzoi një helikopter të ushtrisë meksikane që ishte nisur për ta arrestuar
DEA ofron 10 milionë dollarë për arrestimin e tij
El Chapo, ish-kreu i Kartelit te Sinaloas, tashmë i arrestuar
4 komente në ““Është më i frikshëm se El Chapo”, legjenda e DEA-s: Bosi i kartelit mund të mos arrestohet kurrë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Pune e madhe!
Çoni Flamur Noken dhe Sali Lushen ne Meksike dhe per 3 ore e keni ne dore, bile falas, vetem te beni Lulin k/minister.
Muli dhe Lusha jane zero para Lleshit dhe Cucit. Luli do behet kryeminister dhe Rama do behet Lider i Evropes.
Nuk duan ta kapin ka interesat e veta cia se fiton miliona , por po te duan me satelit i lexon gazeten ne dor tjetrit jo mos ta gjesh ku fshihet , nje bomb si ajo e atij Iranianit dhe demekon e gjen ne kul te ferres , nuk ka interes cia dhe esht kjo qe e fsheh. Sistemi demekove v.k.