Te fundit
Federata spanjolle quan Kosovën “territor”, reagon FFK: Provokim, do jemi me himnin tonë, përndryshe nuk luajmë
9 Mars 2021, 22:05Sport
TEMA
Rrezikon të shkaktojë një krizë diplomatike postimi në faqen zyrtare të federatës spanjolle të futbollit, që duke prezantua rivalët e saj në kualifikueset e Botërorit , ka cilësuar Kosovën si “territor”, dhe jo si shtet i pavarur.
Postimi bëri xhiron e mediave shqiptare dhe janë të shumta komentet protestuese të komunitetit shqiptar në atë faqe. Por tani vjen edhe reagimi zyrtar i Federatës së Futbollit të Kosovës , dhe nuk është më pak i ashpër se ai i tifozëve.
FFK e cilëson si “ provokim të padrejtë” nga Federata spanjolle, ngjarjen e sotme duke akuzuar vendin e BE-së për një “qasje destruktive” ndaj Kosovës nga pavarësia e saj.
“Kjo qasje dhe makijazhi që institucionet e këtij vendi mundohen t’i bëjnë shtetësisë së Kosovës, nuk mund ta ndryshojnë dot historinë dhe realitetin.
Kosova është shtet i pavarur, i pranuar nga shumica e vendeve më të zhvilluara e demokratike të globit dhe anëtare e barabartë me të gjitha shtetet tjera në UEFA e FIFA, që nga maji i vitit 2016.
Përpjekja e spanjollëve për ta minimizuar shtetësinë e Kosovës në ndeshjen e 31 marsit për kualifikimet e Botërorit “Katar 2022”, duke iu referuar Kosovës si territor, është e kot dhe e padrejtë. Ata janë të vetëdijshëm se në këtë datë do të përballen me Kombëtaren e Kosovës, e cila do të paraqitet si çdo shtet tjetër.
Kriteret e UEFA-s e FIFA-s janë të ditura e të qarta si kristali dhe Spanja e dinë këtë, prandaj çka do që thuhet e shkruhet nuk i ndërron këto rregulla dhe në asnjë mënyrë nuk do të ndërrohen. Nëse ata duan medialisht të arsyetohen para opinionit të brendshëm është çështje e tyre, por Kosova nuk do të bëjë asnjë lëshim – ne do të luajmë vetëm sipas kritereve dhe rregullave strikte të UEFA-s, me himn dhe flamur shtetëror, përndryshe ndeshja nuk do të zhvillohet”, ishin fjalët e federatës.
FFK shtoi se po pret një reagim zyrtar nga Federata spanjolle, dhe në të kundërt “ do të jemi të detyruar të kërkojmë të drejtën tonë në UEFA, ku do të kërkojmë mbrojtje nga ky institucion, sepse jemi vend anëtar i UEFA-s me të drejta të barabarta sikurse 54 federatat tjera dhe Spanja është e obliguar të na trajtojë në atë formë”.
3 komente në “Federata spanjolle quan Kosovën “territor”, reagon FFK: Provokim, do jemi me himnin tonë, përndryshe nuk luajmë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
O Fedreatë e Kosovës dhe ti o shtet pa qeveri . S’ta ka fajin as Spanja e as Federata Spanjolle .
Kjo është reziultantja e atij Organizmi konglomerat, i cili ka qenë dhe do vazhdojë të jetë pa fuqi vendim marrëser deri kur të shpërbëhet fare . Pandemia po ja shpejton fundin .
Ka 13 vjet shtet i pavarur KOSOVA . BE-ja e din , por bon sikur se din , sepse s’ka b… të matet me të vetët brenda për brenda , dhe e nxjerr konfliktin e brendshëm jasht ( praktikë e njohur botërore ).
Që kur u kriju BE-ja , mbasi i bëri analizën e hollësishme social-ekonomiko-politike , ishte një burrë shteti , që ju tha , e keni kot .
Ashtu kanë vazhdu dhe janë kot akoma edhe sot .
Nuk luani!?
Na plasi kkkkkkk….
Ja dhe pergjigja e gomereve ketu me siper.
Keta nuk kane nevoje per pergjigjet e institucioneve te futbollit, pasi kane mend shume me teper se ata.