Flutura Açka: Elbasani mund të jetë deçiziv në këto zgjedhje, kjo është arsyeja përse bandat kërkojnë ta trembin

Shkrimtarja Flutura Açka, është ndër emrat e parë të listës së Partisë Demokratike në qarkun e Elbasanit. Duke folur për mediat, Açka tha se qarku i Elbasanit do të jetë deçiziv në këto zgjedhje dhe se “kjo është arsyeja se përse bandat kërkojnë ta trembin.

Jeni më e kërkuar si shkrimtare apo tani si politikane?

Unë se mbaj veten për politikane kështu që s’ka se si të kërkohem. Ka vetëm pak ditë që unë kam hyrë në këto territore, ndryshe nga ç’kam bërë në 30 vitet e mia si shkrimtare dhe sigurisht si shkrimtare do të mbetem e kërkuar gjithë jetën time. Si politikane mbetet për tu provuar, besoj se koha do të tregojë nëse ka qenë një vendim i duhur, por besoj është një vendim i drejtë.

Elbasani është kthyer në një zonë të nxehtë politike ende pa nisur gara. Ju shqetëson kjo dhunë që keni parë zonja Açka dhe ku mendoni se e ka burimin?

Elbasani ka qenë se paku në 8 vitet e fundit apo në 4 vitet e fundit një zonë problematike pasi është kontrolluar nga bandat, nga grupe të caktuara të cilat kanë trazuar qetësinë e këtij qyteti edhe për shkak të një lloj mbështetje politike që kanë pasur. Një njeri i zakonshëm sado i armatosur të jetë apo të ndihet si pjesë e një grupi të caktuar, nuk mundet dot të kërcënojë qytetarë apo të dalë hapur pa një mbështetje politike. Trazirat e fundit që nisën që nga Dita e Verës, tregojnë që qyteti i Elbasanit do të vijojë të mbetet një pikë e nxehtë e këtyre zgjedhjeve duke menduar dhe përfshirë këtu edhe faktin që Elbasani mund të jetë shumë deciziv për rezultatin përfundimtar dhe kjo është arsyeja përse bandat kërkojnë që Elbasanin ta trembin. Mbështetja e organeve kompetente duhet të jetë e pranishme.

Ju si një deputete e ardhshme e Elbasanit cilën shihni si zgjidhje?

Opozita kërkon të vijë në pushtet dhe po kërkon të vijë në pushtet me ndershmëri dhe vazhdon të kërkojë që incidentet dhe grabitja e hapur që ka ndodhur në vitin 2013-2017 të mos përsëritet më. Kjo është në detyrën e saj që të kërkojë që zgjedhjet të jenë të rregullta, i mbetet palës tjetër që ka të gjitha mundësitë të respektojë vullnetin e qytetarëve të garantojë të drejtën e opozitës dhe të qytetarëve të lirë.

Pse vendosët të kandidoni me Partinë Demokratike dhe a keni pasur oferta nga parti të tjera?

Unë kam pasur oferta nga e djathta, ka qenë shumë publike. Unë jam njeri i lirë që jam marrë me protestën, nuk më ka interesuar ngjyra, por kanë qenë protesta në lidhje me mjedisin me të drejtën për fatet tona dhe të gjitha këto kanë qenë të pranishme në këtë 10 vjeçar. E kam vënë re se nga zullumet e viteve të fundit që kanë ndodhur se çfarë uzurpimi i është bërë pushtetit dhe duke parë nga jashtë ka qenë e pamjaftueshme për të bërë diçka dhe nevoja për të kuptuar politikën shqiptare se çfarë po ndodh që nuk po përpiqet ti afrohet standarteve të politikës evropiane. Duke qenë se kam jetuar një pjesë të kohës në Holandë kam filluar të vërej në mënyrë njerëzore se kapërcimi i këtij kufiri është në dëshirën time për ta parë politikën shqiptare në standartet evropiane dhe besoj nga brenda kjo do të ishte edhe më funksionale.

Pyetet shpesh për një nevojë për ndryshim. Si mendoni se mund të ndodhë ky ndryshim dhe cili është rreziku kryesor nëse mund të themi kështu i mazhorancës aktuale?

Do të vijë ndryshime duke lënë votën e lirë, të vendosë kë të dojë, majtas apo djathtas qytetari ka të drejtë të votojë i lirë. Në dy herët e fundit ne kemi bërë hapa mbrapsht dhe i kemi dhënë një damkë shoqërisë shqiptare, i kemi dhënë një damkë shtetit shqiptar që nuk arrin të shkojë në zgjedhje të ndershme. Por nuk është marrë asnjë mësim dhe maxhoranca nuk po përpiqet të paktën të kuptojë se ka ardhur dita të ndryshojë sjellje ndaj qytetarit dhe ndaj opozitës sepse jemi në demokraci dhe në demokraci je i detyruar të pranosh opozitën që të bën një kërkesë fare elementare “na lejo qytetarin e lirë të shkojë në votime i qetë.

Dhe në këtë pikë cili është rreziku më i madh që i kanoset kësaj maxhorance aktuale?

Rreziku i maxhorancës mund ti vijë vetëm nga vota e lirë. Qytetari i lirë dhe me mend në kokë e ka të vështirë të pranojë që kjo maxhorancë të vazhdojë ende në pushtet pasi ka provuar 8 vite dhe e ka parë se çfarë ka ndodhur në këto tetë vite. E ka parë tek xhepi i vet, tek buxheti i vet në shtëpi, në shkolla në Universitete, tek legalizimet dhe e di çfarë ka ndodhur me xhepin e tij. Kanë parë familje që kanë shteruar dhe ikur nga sytë këmbët dhe skam më çfarë të them më sepse të gjithë janë dëshmitarë dhe ajo që duhet të ndodhi është që të largohet kjo bandë që ka uzurpuar Shqipërinë.

Lakmi për para: Si funksiononte "taksa" e Argita Berishës ndaj biznesmenëve, krijoi miliona euro pasuri

20:58 Politika

I 19-ti në listë, Pandeli Majko: Nëse do ishim në vende të sigurta, do të bënim sehir

21:05 Politika

A i mungojnë PS-së figurat e vjetra? Pandeli Majko zbulon çfarë po ndodh brenda selisë rozë

19:58 Politika

Ilirjan Celibashi: Përveç Tom Doshit, ka indicie edhe për 15 kandidatë të tjerë problematikë

19:55 Politika

Peleshi: Mandati i tretë, për të rritur ekonominë familjare

18:36 Politika

Ndoka, ironi me Bashën: Me shumë sportivitet e ke marrë Ramën, hiq ‘maskën e pandemisë’ dhe tregoji vendin. Mos ki frikë

19:42 Politika

Gjiknuri: Në Vlorë 8 mandate nuk i diskutojmë, të 9-in e marrim nga komuniteti çam!

19:28 Politika

Paloka: Ne kemi më shumë fantazi se Edi Rama, na ktheu në "renditjen e turpit"

19:20 Politika

Andi Bejtja revoltohet pas hetimeve për kandidatët problematikë të opozitës: SPAK është gati të hetojë dhe Naim Frashërin e Vrana Kontin

18:56 Politika

Zbardhen formularët, Lulzim Basha përfshin në lista trafikantë droge dhe hajdutë: Shemb kauzën e dekriminalizimit

18:48 Politika