Te fundit
Armando Duka letër të hapur kryeministrit Rama: Të fusim në stadium të vaksinuarit në ndeshjen me Anglinë
23 Mars 2021, 17:07Sport
TEMA
Presidenti Armand Duka i është drejtuar me një letër të hapur kryeministrit Edi Rama ku i kërkon marrjen në konsideratë për të lejuar hapjen e stadiumit në masën 30 përqind për ndeshjen me Anglinë.
Në një kohë kur i pari i qeverisë po kryen fushatë te sheshi para “Air Albania” ka ardhur dhe reagimi i menjëhershëm i kreut të FSHF-së, duke i kujtuar se kërkesa e institucionit të futbollit është në të mirë të Shqipërisë. Duka i thekson edhe një herë kushtet e favorshme që ka impianti modern për të lejuar zhvillimin e një sfide të tillë. Përmes një reagimi në kanalin zyrtar, presidenti i FSHF-së i drejtohet kryeministrit Rama:
“I nderuar zoti Kryeministër!
Uroj të kem vëmendjen tuaj të plotë, në prag të një përballjeje historike dhe të shumëpritur me Anglinë, që rikthehet në Shqipëri pas plot dy dekadash. Një përballje që prej javësh na ka vendosur në qendër të vëmendjes së mediave më të mëdha botërore, ku imazhi i futbollit tonë pasqyrohet me nota shumë pozitive dhe shikohet në rritje të vazhdueshme.
Po ju drejtohem ju, sepse ne i kemi konsumuar të gjithë shkallët e procesit burokratik duke i shkruar Ministrisë së Shëndetësisë dhe Mbrojtjes Sociale dhe Komitetit Teknik të Ekspertëve, nga të cilët kemi marrë përgjigje refuzuese për praninë e një numri të reduktuar të tifozëve në stadium, siҫ e lejon dhe qeveria europiane e futbollit, UEFA.
I nderuar z. Kryeministër!
Duke parë që në vendin tonë shumë biznese me grumbullime masive njerëzish vazhdojnë aktivitetin normalisht, do të shpresoja shumë që ju të ndihmonit ekipin Kombëtar shqiptar dhe tifozët tanë të zjarrtë për të qenë të pranishëm në këtë ndeshje shumë të rëndësishme për rrugëtimin e Shqipërisë drejt Botërorit Katar 2022. Ne kemi një stadium modern, me standartet më të larta botërore, që na lejon të kemi minimalisht 30% të tifozëve në stadium, duke mundësuar shmangien e ҫdo rreziku nga virusi Covid-19.
Nëse kjo prani e limituar tifozësh shikohet ende si një problem nga Ministria e Shëndetësisë dhe Mbrojtjes Sociale dhe Komiteti Teknik i Ekspertëve, atëherë do ju propozoja që të lejohen në stadium të gjithë personat që janë vaksinuar dhe kanë përfituar nga procesi i vaksinimit masiv që ju si Qeveri po zhvilloni në mbarë trojet shqiptare.
Duke marrë parasysh faktin se Komiteti Teknik i Ekspertëve, pas vendimit të Gjykatës Kushtetuese, vendosi që grumbullimi i më shumë se 10 personave pas 25 marsit është i lejuar, jam besimplotë që ju do ta merrni në konsideratë këtë kërkesë në të mirë të futbollit shqiptar dhe dashurisë që kanë tifozët tanë për fanellën kuqezi.
Sinqerisht,
Armand Duka”.
5 komente në “Armando Duka letër të hapur kryeministrit Rama: Të fusim në stadium të vaksinuarit në ndeshjen me Anglinë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
????????????????????
Moshen mbi 80 vjec qe eshte vaksinuar!!!!!
Edhe ata cohen ne mengjes e thone kemi nevoje te vemi ne stadium
Shtet VK me njerez ne krye njeri me idiot se tjetri.
Shumë dakort.Plaka ime 90 vjeç!Mezi pret.???
Gjyshi ka prer bileten 116 vjeq
duket e krimit kane ngel pa leke
sa beqit je mor trushkulur
Me Armando e Agron Duken do bejme perpara drejt skterres!