Te fundit
Kolaudimi hapet në prill, zero tolerancë për mjetet jashtë standardeve
30 Mars 2021, 21:10Sociale
TEMA
Shërbimi i kontrollit fizik të automjeteve pritet të rinisë brenda muajit prill, në përfundim të afatit të koncesionit privat.
Drejtori i Përgjithshëm i DPSHTRR, Blendi Gonxhe, shprehet se vonesa ka ardhur si pasojë e nevojës për ndërhyrje në të gjitha pikat e kolaudimit, por i kushtëzuar gjithashtu nga miratimi i ndryshimeve në Kodin Rrugor që e bëjnë kontrollin të detyrueshëm çdo dy vite për mjetet e përdorura, çdo 1 vit për mjetet e shërbimit si autobusët dhe pas 3 vitesh për automjetet e reja.
Paralelisht me investimet në godina dhe pajisje, shërbimi i ri i kolaudimit, do të vijë sipas Gonxhes me një sistem të ri dhe modern, që shmang vonesat.
Sa i takon automjeteve që aktualisht po qarkullojnë të pakolauduara, Gonxhe e pranon se situata është problematike. Por sipas tij, ky problem ka lindur nga mangësitë e sistemit të vjetër të kontrollit teknik, ku shumë makina me një certifikatë të vlefshme sot janë shpallur kaluese jashtë çdo standardi. Një praktikë që sipas tij, me rinisjen e këtij shërbimi do të ndalet.
2 komente në “Kolaudimi hapet në prill, zero tolerancë për mjetet jashtë standardeve”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Qe te kete sherbim efektif e korrekt duhet te largohen nga puna te gjithe ish punonjesit e ketij sherbimi sepse bene nji korrupsion te papare e te piste duke u vjedhur me miljona leke shofereve.Keto te ashtuquajtur specialiste te kontrollit teknik psh ne Elbasan ishin vetem te korruptuar e asgje tjeter.
Po shume mire qe nuk do toleroni per kualidimin e mjetit , po per rruget qe jane gjithe gropa a do merrni ndonje mase
Ne rruget tone ne cdo 10 xhiro te gomes te mjetit ka gropa ne asfalt , pa permendur rruget rurale qe jane cope
Po si kudo dhe si gjithmone po ne kurriz te popullit bie barra