Te fundit
Rama sulmon Voltana Ademin në Shkodër: Bashki qorre, shembulli më drithërues i injorancës dhe prapambetjes
31 Mars 2021, 18:45Politika
TEMA
Kryeministri Edi Rama ka kërkuar votat e qytetarëve shkodranë duke u shprehur se i kanë borxhe këtij qyteti, të cilat do t’i shlyejnë nëse marrin mbështetje.
“Nuk dua të shfajësohem, se ne kemi borxhe ndaj Shkodrës, e cila është pjesë e pandashme e gravitetit të historisë sonë, kulturës e traditës sonë. Shkodra është një potencial i jashtëzakonshëm.
Nuk kanë më shumë se Shkodra ato qytete që sot janë në proces të pakthyeshëm transformimi, madje ka më shumë Shkodra.
Unë jam këtu sot për t’iu thënë shkodranëve se nëse duan të na japin mundësinë të shlyejmë borxhet tona, të na japin mbështetje.”, deklaroi Rama.
Po ashtu, kreu i qeverisë hodhi akuza edhe ndaj Bashkisë Shkodër duke thënë se ka bllokuar projektet dhe nuk ka bërë asnjë investim.
“Për të mbështetur Shkodrën ne i kemi ardhur vërdallë kufijve të vendosur nga një Bashki qorre, që është shembulli më drithërues i injorancës, prapambetjes, inercisë, duke shkuar qorrazi drejt të ardhmes.
I kemi ardhur rrotull dhe kemi ndërtuar rrugën Shkodër-Velipojë, një rrugë turistike që ishte një premtim dembabadem i të gjitha herëve që PD ka ardhur këtu për të marrë votën dhe që nuk u ndërtua kurrë. E ndërtuam ne, duke i ardhur rrotull se nuk merrnim dot leje në bashki.
Nuk i prishet fare terezia asaj kryetares së Bashkisë se çfarë ndodh me plehrat. Shkodra është qyteti më i pistë i Shkodrës, ku nuk mblidhen plehrat.
Është qyteti me më shumë gropa në vend. Këtu është qytet që ka mbetur ora. Por, punët e veta edhe kryetarja e bashkisë, edhe ata të shpurës së PD, që venë e vinë sa këtu sa në Tiranë për të bërë deputetin e Shkodrës, i kanë në terezi. Lufta që bëjnë sot është prapë për punët e tyre, jo për punët e Shkodrës apo të Shqipërisë”, tha Rama.
2 komente në “Rama sulmon Voltana Ademin në Shkodër: Bashki qorre, shembulli më drithërues i injorancës dhe prapambetjes”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ky njeri o asht i marre ose shtihet !!
O Rame, Shkodra nuk asht as qorre as shurdhe. Shkodra te njeh ma mire ty se ti e njeh ate’.
Mos te te rrej mendja. Shkodra nuk ban kompromis me te keqin.
Kane qene me te forte se ti dhe kane thy hundet ne Shkoder.
Zotı rama jame dakort me ty dhe fjalet e tua qe thua ne drejtım te shkodres,ı nje qytetıte lashte nga te gjıtha pıkpamjet dhe vlerat e saj,Por ne shkoder eshte edhe thenıa Se kush vret veten nuk ka kushe meja marre gjakun, Keshtu edhe shkodranet e kane pergjegjesıne qe e votojne kete fare pengese per gjıthe shkodren,