Drejtori i AMF raporton në Kuvend: Tregjet financiare po i kthehen normalitetit

Drejtori i Përgjithshëm Ekzekutiv i Autoritetit të Mbikëqyrjes Financiare, z. Ervin Mete prezantoi sot, në seancë plenare në Kuvendin e Shqipërisë, raportin mbi veprimtarinë e Autoritetit gjatë vitit 2020. Mete bëri një pasqyrim të ecurisë së tregjeve nën mbikëqyrje, si edhe masat e marra nga Autoriteti në funksion të garantimit të stabilitetit financiar përgjatë një viti të vështirë, nën efektet e pandemisë COVID-19 dhe pasojave të tërmeteve të fundvitit 2019.

Në fjalën e tij, Drejtori i Përgjithshëm Ekzekutiv theksoi se treguesit e 3-mujorit të parë të vitit 2021 sugjerojnë se tregjet nën mbikëqyrje po i kthehen normalitetit. “Tregu i sigurimeve e mbylli 3-mujorin e parë të këtij viti me një rritje prej 12.5% të të ardhurave krahasuar me të njëjtën periudhë të një viti më parë. Edhe asetet neto të tregut të investimeve dhe tregut të pensioneve private shënuan rritje për 3-mujorin e parë, respektivisht me 2.4% dhe 5%,” – tha Mete.

Drejtori i Përgjithshëm Ekzekutiv u shpreh se miratimi së fundmi nga Kuvendi i Ligjit “Për sigurimin e detyrueshëm në sektorin e transportit” është një zhvillim i rëndësishëm. Miratimi i këtij ligji përmbush gjithashtu një nga kërkesat e Komisionit Evropian në progres-raportet e viteve të fundit. Me hyrjen në fuqi më 1 korrik, ky ligj pritet të përmirësojë disa aspekte të funksionimit të tregut të sigurimeve, si edhe të sjellë lehtësime për qytetarët.

Drejtori Mete informoi deputetët e Kuvendit të Shqipërisë për rolin e Autoritetit si institucioni drejtues i kapitullit 9 në negociatat për anëtarësim në Bashkimin Evropian, si edhe për drejtimet kryesore të veprimtarisë së Autoritetit përgjatë vitit 2021 dhe në vazhdim.

Drejtori i Përgjithshëm Ekzekutiv theksoi se Autoriteti do të përqendrohet te ruajtja e qëndrueshmërisë dhe mbikëqyrja efektive e tregjeve, plotësimi i të gjithë kuadrit nënligjor për të bërë plotësisht të zbatueshme ligjet e reja, rritjen e kapiciteteve mbikëqyrëse, avancimin me proceset e digjitalizimit dhe përmirësimin e sistemeve të teknologjisë së informacionit, si edhe ndërmarrjen e nismave për edukimin financiar dhe mbrojtjen e konsumatorit dhe investitorit.

Alpha Bank mendon shitjen e degës shqiptare, Qeveria greke ndërhyn e shqetësuar

17:30 Ekonomia

ANALIZA e The Economist: Kompanitë dhe demokracia

09:12 Ekonomia

Moody’s konfirmon për Shqipërinë vlerësimin B1, Denaj: Vijimi i reformave, shtysa drejt integrimit në BE

09:35 Ekonomia

Lançohet platforma e parë në Shqipëri për mbledhje fondesh nga publiku Smile.al

11:01 Ekonomia

TAP shpall fazën detyruese të testimit të tregut

10:45 Ekonomia

Intervista në Turcomoney, Zv. Presidenti i BALFIN: Ja si e shohim të ardhmen në Ballkan

10:40 Ekonomia

Çmimet e naftës u rritën përsëri, për të tretën javë me radhë

21:15 Ekonomia

Çfarë është Bitcoin dhe si funksionon?

20:16 Ekonomia

Pandemia uli të ardhurat për frymë në Shqipëri me 318$

17:31 Ekonomia

Shkëputja masive që po ndodh nga puna në zyrë, në atë në shtëpi

11:40 Ekonomia