Te fundit
Paradokse zvicerane!
31 Maj 2021, 17:29Bota
TEMA
Deri në vitin 1971 shumica e burrave zviceranë thoshin: gruaja e ka vendin në kuzhinë. Dhe në bahçe, eventualisht…
Andaj deri më 1971 gratë zvicerane nuk kishin të drejtë e votës. Në disa vende të Europës veriore gratë fituan të drejtën e votës në dekadën e parë të shekullit të 20-të, pra rreth 70 vjet para grave të Zvicrës.
Nga ana tjetër: Universiteti i Zürichut ishte ndër të parët në Europë që në shekullin e 19-të ua lejoi grave të studiojnë.
Rrjedhimisht, shumë vajza nga Europa ngarendën në Zürich, mes tyre Mileva Mariq nga Vojvodina, e cila më vonë do të martohej me Albert Einstenin (një lidhje që pas pak vitesh mori fund), dhe rusja Nadezhda Susllova, e cila ka hyrë në histori si gruaja e parë që ka doktoruar në mjekësi në Universitetin e Zürichut.
E para zvicerane që më 1868 u regjistrua në Fakultetin e Mjekësisë në Zürich dhe studioi mjekësi ishte Marie Heim-Vögtlin (1845-1916).
Në atë kohë ambicia e një gruaje për të nxënë dije konsiderohej skandal. Marie Heim-Vögtlin mori lejen e të atit për të studiuar.
Përkrahja e tij qe e nevojshme edhe më 1874, kur ajo kërkoi hapjen e një ordinance private. Marie Heim-Vögtlin u martua me profesorin e gjeologjisë Albert Heim.
Në kodrat e Zvicrës, mbi fshatin Andermatt, gjendet një kasolle malore që e bart emrin e Albert Heimit. Më 1901 Marie Heim-Vögtlin themeloi spitalin e parë zviceran për gra.
Dhe u angazhua për të drejtën e grave për të votuar. 55 vjet pas vdekjes së Marie Heim-Vögtlin, burrat zviceranë u pajtuan që edhe gratë mund të votojnë.
1 komente në “Paradokse zvicerane!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Dava maloksh !