Te fundit
“Mini-shengeni”, Varhelyi: BE mbështet planin, gati të ofrojmë 30 mld euro për Ballkanin
10 Qershor 2021, 13:53Politika
TEMA
Komisioneri për Zgjerimin, Oliver Varhelyi ka bërë me dije se bashkëpunimi mes vendeve të Ballkanit Perëndimor sjell një plan prej 30 mld eurosh investime, plan i cili do të financohet nga BE.
Varhelyi, në konferencën e përbashkët me kryeministrin Edi Rama, tha për “Mini-shengeni Ballkanik”. se Bashkimi Evropian mbështet këtë plan të përbashkët dhe është e gatshme të dhurojë fonde, të cilat do të përkthehen në investime për këtë rajon.
Ai tha ndër të tjera, se përmbushja e këtij plani, do të sjellë të terja të mira Ballkanit, ku përfshihet, kalimi i kufijve vetëm me karta ID, njohja e diplomave dhe formimi i një tregu të përbashkët.
“Jam i kënaqur që shoh që ndoshta ky do jetë fillimi i fundit të krizës së pandemisë dhe se do të fillojmë që t’i rikthehemi mënyrave të mëparshme dhe të kryhen takime të tjera kaq të rëndësishme në formë fizike dhe të shtyjmë përpara punën.
Ne e shohim një angazhim dhe përkushtim të udhëheqësve për të krijuar tregun e përbashkët rajonal, nuk kemi arritur aty ku dëshirojmë , por duhet të arrijmë atje deri në korrik, kur të kemi samitin e radhës.
Po shikojmë rezultatet e para që po ndryshojnë jetë qytetareve me marrëveshjen për lëvizjen pa tarifën Roaming, kjo është një arritje e madhe, do ketë të tjera që të lëvizin me ID, njohja e diplomave, heqja e lejes për punë, pra të gjithë këto gjëra do të bëjnë që bashkëpunimi në Ballkanin Perëndimorë t’i shërbejë qytetarëve. 30 mld euro në formë investimesh në rajon, ky nuk ka për të funksionuar nëse rajoni nuk funksionon si një i tërë, ky plan investimesh do japë rezultatet e veta nëse ky rajon punon në këtë treg rajonal.
Nga ana ime, ne kemi një marrëveshje në BE për financimin e këtij plani, kemi arritur marrëveshje me Këshillin dhe PE për programin e fondeve të paraaderimit, mekanizëm që do të financohet ky plan.
Kemi disa çështje në tryezë, duam që të organizohet konferenca ndërqeveritare me Shqipërinë dhe Maqëdoninë e Veriut dhe kemi këtë Samit të sotshëm që të tregojmë rezultatet, ky vit mund të jetë për Ballkanin Perëndimor”, tha Varhelyi
1 komente në ““Mini-shengeni”, Varhelyi: BE mbështet planin, gati të ofrojmë 30 mld euro për Ballkanin”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Jemi ngopur me llafet e te derguarve te Europes, premtime dhe pune his. Ju vetem te jepni borxhe, por vendet e rajonit kane probleme me korrupsionin, luftojeni ashper kete plage. Puna e pare qe duhet te beni ne Shqiperi, eshte lidhja e fshatrave me rruge te standardizuara dhe te asfaltuara. Asnje fshat te mos mbetet pa rruge te asfaltuara, nga Tropoja ne Sarande. Eshte mundesia qe brenda nje afati 5 vjecar ky aksion ta ktheje vendin ne normalitet.