Te fundit
E ardhmja e Teatrit Kombëtar, u vendos më 25 prill
17 Qershor 2021, 12:17Blog
TEMA
Nga Altin Ketro
Gjykata Kushtetuese është duke gjykuar një padi të Presidentit të Republikës, zotit Ilir Meta, mbi çështjen e prishjes së godinës së Teatrit Kombëtar. Mbi këtë çështje është e interesuar edhe një shoqatë e cila u vu në mbrojtje të godinës së vjetër që tashmë është shembur.
Nga njëra anë, qeveria e bashkia, kërkojnë të ndërtojnë aty një teatër të ri, me arkitekturë bashkëkohore, komod në të gjithë parametrat e brendshëm të tij si për aktorët ashtu dhe për spektatorin. Nga ana tjetër, presidenca dhe shoqata, kërkojnë që pronësia e godinës të rikthehet tek ministria e Kulturës dhe që teatri të ndërtohet njësoj siç ka qenë.
Nuk dua të ndërhyj në këtë mosdakordësi mes palëve, por një aspekt me shumë rëndësi nuk mund ta lë pa e trajtuar.
Çështja e Teatrit Kombëtar është zgjidhur përfundimisht më 25 prill 2021, kur u zhvilluan zgjedhjet parlamentare. Një nga spotet e rëndësishme elektorale të Partisë Socialiste ishte ai me një aktor të madh të skenës dhe ekranit, i cili fjalë për fjalë thoshte që vota për PS-së do të thotë që aktorëve t’u ndërtohet një Teatër Kombëtar i ri, më i fortë dhe më i bukur se i vjetri.
Me anë këtij spoti, praktikisht Partia Socialiste po i jepte një alternativë zgjedhësve për të vendosur indirekt pro ose kundër teatrit të ri.
Më 25 prill, populli si në rang kombëtar ashtu edhe në atë vendor për territorin e bashkisë Tiranë, i dha Partisë Socialiste shumicën e votave kundrejt koalicionit opozitar të PD-së plus LSI.
Pra, nga pikëpamja politike populli vendosi me votë për të ardhmen e Teatrit Kombëtar. Në këto kushte, këmbëngulja e presidencës dhe shoqatës kundër projektit të qeverisë dhe bashkisë, duket më shumë si një inat politik se përse qeveria “Rama” të marrë meritat e ndërtimit të një teatri të ri. Tashmë paditësit nuk mund të përfaqësojnë më zërin e shumicës së popullit, sepse sovrani foli qartë me votë më 25 prill.
8 komente në “E ardhmja e Teatrit Kombëtar, u vendos më 25 prill”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Pikërisht, populli ka votuar Shqipërinë europiane, me teatër europian, e jo me teatër të para luftës së dytë botërore. Ata duan merita, jo se u dhëmb shumë për kulturën, ata e kanë shkelur kulturën me këmbë me fjalorin e ulët dhe veprimet antishtet që kanë bërë. Kushtetuesja të mos përdridhet, por të lërë ata që duhet të bëjnë punën në të mirë të artdashësve. Të lumtë pena.
Mallkuar dora e atij qe firmosi dhe atij qe vuri shkelmin mbi historine shqiptare…
=
djajt komuniste ..dhe turqit lane nga mbrapa xhamite….
no comment!
Na cmendet me kete fjalen Teater Kombetar, E cfare kishte kombetare ai teater. Thjesht ishte teatri i Tiranes , nje karakatine qe qelbej.
Une nuk kuptoj se çfare te drejte ka gjykata kushtetuese qe te gjykojne shembjen e teatrit popullor! Pse eshte e shkruar ne kushtetute qe teatri popullor prishet vetem kur te ndryshohet kushtetuta?! O president mavria qe e le namin copa copa rrugeve te republikes, pse nuk ike vete po do te fusin ne halé; aq sa larte u ngrite, aq poshte ré. Populli thote: mendja ben, mendja peson. Ti ke mbaruar pune dhe je jashtetokesor ne presidence dhe publik bashke me ata bilushet e tua qe do ta pesojne rende sa te ikin andej.
Sipas kesaj logjike jane mbyllur dhe te gjitha vjedhjet. O z. Ketro. Zbatimi i ligjit eshte pergjegjesi perdonale. Firorja ne zgjedhje num ben nuk shkeljrn e ligjit. O idiot. Atehere eshte mbyllur edhe Gerdeci, me zgjedhjet e 2009.
Përshendetje Ladi.
Komentet mund t’i bësh edhe pa fyerje, sepse ato nuk janë argument. Por, për të të respektuar rreth asaj që shkruan për zgjedhjet e vitit 2009, unë po të përgjigjem me fakte:
Zgjedhjet parlamentare 28 qershor 2009.
Partia Socialiste: 620.586 vota ose 40,85%
Partia Demokratike: 610,463 vota ose 40,18%
Diferenca: 10.123 vota më shumë për Partinë Socialiste.
LSI: 73.678 vota ose 4,85%. LSI në ato zgjedhje ishte kundërshtar i egër i PD-së dhe Berishës.
Tani më thuaj, si votoi populli shqiptar në vitin 2009, pro apo kundër Gërdecit? Po flasim duke ballafaqur 2 partitë e mëdha veç e veç.
Nje gazetar nuk i lejon vetes te tilla shkrime qe dhe Taulant Spiropali nuk do ja lejonte vetes.
Zgjedhjet behen per pushtet politik dhe qeverises.
Zgjedhjet nuk jane vendime gjyqesore .
Cilido qytetar apo grup interesi mund te kallxoje Qeverine ne Gjykate Kushtetuese per diçka qe ata mendojne qe nuk eshte ne perputhje me ligjin .
Cfare lidhje kane zgjedhjet me çeshtjet gjyqesore.
Nese ishte zhvilluar referendum ,atehere shume ne rregull me rezultatet e referendumit ,qofte PO apo JO .Me kete llogjiken tuaj shoku gazetar ,rezultati i zgjedhjeve eshte justifikim per çdo abuzim qeverises.
Tjetra qe kjo eshte iniciative politike ajo dihet…tani u zgjove ??
Sa per sqarim….une jam per prishjen e asaj karakatine dhe per ndertimin e nje teatri modern.
Ama jo nje teater dhe 10 kulla….kesaj i shmangesh bukur shoku gazetar.