Te fundit
22-vjeçari përplas 2 makina, largohet dhe rregullon automjetin e tij për t’i shpëtuar policisë…
22 Qershor 2021, 18:00Kronika
TEMA
Një 22-vjeçar ka përplasur dy makina dhe u laruga nga vendngjarja.
Njoftimi i Policisë
Në vijim të veprimeve hetimore, për zbardhjen dhe dokumentimin e plotë të aksidentit rrugor i ndodhur me datë 19.06.2021, në rrugën Interurbane kryesore Vorë-Tiranë, tek mbikalimi i Casa-Italias, ku një drejtues automjeti i paidentifikuar aksidentoi duke u larguar nga vendngjarja automjetin me drejtues shtetasin N. R., dhe për pasojë automjeti ka përplasur edhe automjetin tjeter me drejtues shtetasin D. P.
Specialistët e Komisariatit Rajonal të Policisë Rrugore Tiranë në bashkëpunim me Komisariatin e Policisë Nr.3 dhe Komisariatin e Policisë Nr.6, bënë të mundur identifikimin dhe ndalimin me iniciativë të drejtuesit të automjetit që u largua nga vendi i aksidentit, shtetasi me iniciale J. L., 22 vjeç.
Policia thotë se “ky shtetas, dyshohet se me datë 19.06.2021, duke drejtuar automjetin e tij në rrugën Interurbane kryesore Vorë-Tiranë, tek mbikalimi i Casa-Italias, ka aksidentuar dy automjete në levizje dhe më pas është larguar nga vendi i aksidentit pa u dhënë ndihmën e parë të dëmtuarve. Gjithashtu ky shtetas dyshohet se ka ndërhyrë për të riparuar automjetin e dëmtuar si pasojë e aksidentit rrugor, me qëllim fshehjen e gjurmëve të aksidentit”.
Materialet u referuan në Prokurorinë pranë Gjykatës së Shkallës së Parë Tiranë, për veprat penale “Shkelja e rregullave të qarkullimit rrugor”, “Largimi nga vendi i aksidentit” si dhe “Veprime që pengojnë zbulimin e së vertetës”.
1 komente në “22-vjeçari përplas 2 makina, largohet dhe rregullon automjetin e tij për t’i shpëtuar policisë…”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Jepni emrin e plote te ketij vrasesi o polic/gazetar te pamoralshem. Behet fjal per nje shofer te rrezikshem qe heren tjeter mund te shtyp te tjer persona. Turp.