Te fundit
Holanda mbetet investitori kryesor në Shqipëri
28 Qershor 2021, 10:52Ekonomia
TEMA
Holanda ishte investitori më i madh i huaj në Shqipëri edhe për tremujorin e parë të këtij viti.
Të dhënat e Bankës së Shqipërisë tregojnë se investimet holandeze kishin vlerën e 40 milionë eurove. Megjithëse ngelet investitori kryesor, flukset e investimeve holandeze kanë rënë me 59% krahasuar me të njëjtën periudhë të një viti më parë.
Një nga kompanitë e rëndësishme holandeze me prani në Shqipëri është Shell, por volumet e mëdha të investimeve holandeze lidhen kryesisht me faktin që Holanda është një nga juridiksionet ku regjistrohen kompani offshore, kryesisht shoqëri holding në këtë vend për kontrollin e filialeve të tyre ndërkombëtare.
Shembuj të tillë të rëndësishëm janë Stakraft apo Vodafone Group, që i zotërojnë investimet e tyre në Shqipëri nëpërmjet ndërmarrjeve të regjistruara në Holandë.
Në vitet e fundit, në Holandë janë regjistruar edhe kompani që kanë përfituar kontrata të rëndësishme të PPP-ve në Shqipëri. Në këto raste, regjistrimi në Holandë ka si qëllim kryesisht fshehjen e aksionerëve apo përfituesve realë të këtyre kontratave.
Investitori i dytë më i madh për tremujorin e parë të këtij viti ishte Franca, me 34 milionë euro, pothuajse katër herë më shumë krahasuar me të njëjtën periudhë të një viti më parë. Në Shqipëri veprojnë disa kompani të rëndësishme me kapital francez, si ALEAT, Selenice Bitumi, por edhe disa sipërmarrje të investimit në energjinë e rinovueshme. Megjithatë, besohet se në vitet e fundit investimet franceze kanë ardhur nga disa kompani nënkontraktore të gazsjellësit TAP.
Investitori i tretë më i madh i huaj në tremujorin e parë ishte Italia, me një shumë totale prej 29 milionë eurosh, në rritje me 21% krahasuar me një vit më parë. Ndërmarrjet italiane në Shqipëri janë të fokusuara sidomos në degët e shërbimeve.
Në rritje për tremujorin e parë rezultuan edhe investimet turke, që arritën vlerën e 23 milionë eurove ose 15% më shumë krahasuar me të njëjtën periudhë të vitit të kaluar. Sipërmarrja turke në Shqipëri është sidomos e përqendruar në disa kompani të mëdha të sektorëve strategjikë, si Banka Kombëtare Tregtare, Albtelecom, Kurum, Limak apo Ayen AS Energji.
Në rritje me më shumë se tretë herë për tremujorin I 2021 ishin investimet austriake që arritën në 16 milionë euro, ndërsa rënia pësuan investimet zvicerane, që zbritën në 15 milionë euro, vlerë kjo sa një e treta e shënuar për të njëjtën periudhë të një viti më parë. Investimet zvicerane në vitet e fundit kanë qenë të lidhura kryesisht me gazsjellësin TAP dhe përfundimi i punimeve ka sjellë rënie graduale të tyre.
Sidoqoftë, për nga vlera totale e investimeve të matura si stok në fund të periudhës, Zvicra vazhdon të kryesojë, me rreth 1.69 miliardë euro, e ndjekur nga Holanda me 1.47 miliardë euro dhe Kanadaja, me 1.16 miliardë euro. / E.Shehu
6 komente në “Holanda mbetet investitori kryesor në Shqipëri”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
hahahhahahahahaha, me e bukura ato hollandeze kane rene ne 59%…duhet te ishte titulli
=
i kujtoja te zgjum hollandezet ..po kaq budallenj te investojne ne Albanistanin rrumpalle…sikur te investosh ne Afganistan apo Iraq.
=
investon ndonje turk apo arab, po ne fund te fundit ata e kane shpirteror…..
Po Hollanda eshte plot me arab apo nuk e ke pare.
Eshte bere si banliet e Parisit.
Per lek Hollandezet e mbushen Ameriken me skllever Afrikan.
Po do thoje Hollanda eshte vendi me i madh per pastrimin e parave dhe parajsave fiskale. Hollandezet ketej vijne na bejne leksione ne si te luftojme pastrimin e parave dhe ketej s’kane lene pa mbledhur trafikant droge, diktator afrike, milioner qe s’do ti paguaj taskat popullit te vet pa mbledhur.
Mos u mashtroni me “investimet e kapitalit holandez”. Keto kompani nuk jane holandeze por e regjistrojne seline e kompanise meme ne Holande pasi e transferojne atje fitimin qe realizojne ne Shqiperi pa paguar tatim mbi dividentin ne Shqiperi.
keto jane PPP dhe lishencat e dhena per te marre OK nga qeverite holandeze e franceze per te hapur negociatat.
Pervec Gjermanise, Austrise e Italise, vendet e tjera e kane me interes perfitimi se nuk i lidhe gje me shqiptaret
Shume shte po shıkojme ,se po fınancojne ne Shqıperı,Por derı tanı gje ne drıte nuk po shıkojme,Sı ndertımın e ndonje fabrıke a punıshte,Se peruzına e kombınate nuk behet fjale asgjekundı, Iken ınvestımet Ruse e Kıneze qe e kethye nvendın tone ne kantıer ndertımı Ne te gjıtha drejtımet,Kur drejtonte xhaxhı, Tanı na jane bere shume xhaxha qe njerı ıbıen thojt tjetrı patkojt,U plakem dhe nukposhıkojme nje drıte jeshıle ne fund te tunelıt,Femıjet na ıken dhe punojne per te tjeret,Polıtıke ckombetarızuese,