Nis testimi i vaksinës AstraZeneca kundër variantit Beta të koronavirusit

Kompania anglo-suedeze AstraZeneca dhe Universiteti i Oksfordit filluan testimin e një vaksine të modifikuar të koronavirusit, të krijuar për të vepruar kundër variantit Beta.

Ky variant është identifikuar për herë të parë në Afrikën e Jugut, por më pas është përhapur në disa vende të botës.

Mbi 2,000 vullnetarë u rekrutuan në Mbretërinë e Bashkuar, Brazil, Afrikë të Jugut dhe Poloni për testimin e vaksinës së modifikuar.

Profesori Andrew Pollard, drejtor i Grupit të Vaksinave të Oksfordit, i tha BBC-së se synim është “të testohet sistemi” i bërjes së vaksinave kundër varianteve.

Ai tha se nuk ka “asnjë urgjencë të menjëhershme” rreth variantit Delta, pasi vaksina AstraZeneca është treguar si mjaft efektive kundër tij.

Javën e kaluar, Universiteti i Oksfordit ka publikuar një studim, i cili ka gjetur se vaksinat AstraZeneca dhe Pfizer/BioNTech janë gjerësisht efektive kundër variantit Delta, i identifikuar për herë të parë në Indi.

Ky variant është përhapur në rreth 100 vende të botës dhe është duke shkaktuar shpërthime rastesh gjetkë.

Studimi i Oksfordit ka konstatuar se vaksinat AstraZeneca dhe Pfizer/BioNTech janë efektive edhe kundër variantit Kapa, i identifikuar së pari në Indi.

Kapa, tash për tash, është vetëm variant i interesit, për dallim nga variantet Alfa, Beta, Gama dhe Delta, të cilat Organizata Botërore e Shëndetësisë i ka veçuar si variante shqetësuese.

Sipas OBSH-së, një variant etiketohet si shqetësues kur duket se është më ngjitës, më vdekjeprurës ose më rezistent ndaj vaksinave ose trajtimeve aktuale.

Blinken: Të riatdhesohen dhe ndiqen penalisht militantët e ISIS-it

13:32 Bota

ANALIZA: G7-a po gabon, si duhet të taksohen korporatat e mëdha

12:56 Bota

Zgjedhjet rajonale në Francë, disfatë për Le Pen dhe Macron, nuk marrin asnjë rajon

12:23 Bota

FOTOT: Tension mes dy "kombeve bërthamore", India dislokon 50 mijë ushtarë në kufi me Kinën

12:15 Bota

Sherri për kujdestarinë: Gjykata gati të vendosë se kush do ta mbajë vajzën e Carolinës

11:10 Bota

ANALIZA: Gjeopolitika e ndjeshmërisë

11:05 Bota

Është një ndër njerëzit më të pasur në botë, Warren Buffett rrëfen pse s'do të trashëgojë paratë te fëmijët e tij

10:46 Bota

Edhe Çekia kundër BE-së për çështjen LGBTQ në shkolla: Heteroseksualët të mbajnë marshimin e tyre të Krenarisë në Pragë

10:11 Bota

Super manovra ushtarake në Detin e Zi, tërbohet Rusia

09:35 Bota

SHBA, sulme ajrore në kufirin Siri-Irak

09:31 Bota