Te fundit
Danimarka dhuron vaksina për katër vende të Ballkanit
2 Korrik 2021, 11:27Rajoni
TEMA
Qeveria e Danimarkës do të dhurojë një milion vaksina AstraZeneca kundër koronavirusit për katër vende të Ballkanit Perëndimor.
Shqipëria, Bosnje e Hercegovina, Kosova dhe Maqedonia e Veriut kanë nevojë për vaksina, tha përmes një deklarate ministri i Jashtëm danez, Jeppe Kofod.
“Ballkani Perëndimor është pjesë e lagjes sonë dhe ne kemi interes të madh të përbashkët për të qëndruar së bashku – përfshirë në luftën kundër pandemisë”, tha ai.
Donacionet përbëhen nga vaksinat që Danimarka i ka blerë dhe paguar nga kompania anglo-suedeze AstraZeneca, por që nuk i janë dorëzuar ende.
Vaksina AstraZeneca nuk është duke u dhënë në Danimarkë.
Pas raporteve se ajo mund të shkaktojë mpiksje gjaku te njerëzit e vaksinuar, autoritetet daneze e kanë ndaluar përdorimin e saj në mars, ndërsa në prill e kanë hequr tërësisht nga programi i imunizimit.
Agjencia Evropiane e Barnave ka rekomanduar që vaksina AstraZeneca të përcillet me paralajmërimin se shkakton mpiksje të rralla gjaku, por ka theksuar se përfitimet nga vaksina i tejkalojnë rreziqet.
Edhe Organizata Botërore e Shëndetësisë ka thënë se përfitimet nga vaksina AstraZeneca i tejkalojnë rreziqet dhe ka rekomanduar që vaksinimi me të të vazhdojë.
Kosova ka nisur fushatën e vaksinimit kundër koronavirusit në fund të marsit, ndërsa më 15 qershor ka nisur vaksinimi masiv i qytetarëve.
Imunizimi, deri më tash, është bërë me vaksina të dhuruara nga programi COVAX i Organizatës Botërore të Shëndetësisë, Bashkimi Evropian dhe shtetet individuale.
Këtë javë, në Kosovë kanë nisur të arrijnë edhe kontingjentet e para të vaksinës Pfizer/BioNTech, të parapara me kontratën që ka nënshkruar Qeveria e Kosovës me kompaninë farmaceutike amerikane Pfizer.
5 komente në “Danimarka dhuron vaksina për katër vende të Ballkanit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Bravo Danimarka!
–
Kur ato nuk jane te mira per Danezet ka shqiptare qe i mirepresin.
–
lol
Kinezet nuk na pelqejne po edhe ruset me “sputnikun ‘ e tyre edhe ato nuk na pelqejne po edhe astra Xeneca qeka skarco. A e di…….. nga inati a bejme nje vaksine vete ……..hahah……?!
Deri sot ne Shqiperi kane hyre pak me shume se 1 milion vaksina, nga te gjitha prodhimet e te autorizuara nga EMA (perjashto ate kubaneze).
Pothuajse te gjitha te paguara nga busheti i Shtetit me parate e taksapaguesve.
Nga keto mbi 1 milion doza vaksinash qe kane hyre ne Shqiperi deri tani:
– sa jane AstraZeneca?
– sa vaksina AstraZeneca jane injektuar, si doze e pare?
– sa raste problematike ja verifikuar me dozen e pare AstraZeneca?
– sa vaksina AstraZeneca jane injektuar edhe si doze dyte?
– sa raste problematike ja verifikuar me dozen e dyte AstraZeneca?
– cila eshte gjendja krahasuese me vaksinat e tjera te injektuara ne Shqiperi?
Astra Zeneca nuk i bejne me ketej, te pakten jo rregullisht.
Eshte zevendesuar nga Pfeizer dhe Moderna
Nuk i duam!!! Kusurin bejeni birra.