Te fundit
Ikja e poetit Petrit Ruka
10 Korrik 2021, 12:00Kulturë
TEMA
Nga Ethem Ruka
Ju falënderoj pa masë për nderimin që i bët vëllait tim, Petritit , në rrugëtimin e tij drejt përjetësisë. Ai iku i plotesuar duke marrë me vete dashurinë tuaj e duke na lënë pas një trashegimi të tërë që me siguri koha do ta vlerësojë më shumë. Petriti vetëm fali për vendin e tij pa kërkuar asgjë në shkëmbim. Ai nuk kurseu asgjë për të shenjtëruar vendlindjen e tij dhe tonën, Tepelenën.
Për herë të parë ne jetën time shkrova disa vargje. Nëse Petriti do ishte gjallë, nuk do kisha guxuar kurrë te prekja ne tempullin e tij. Megjithatë guxova për ju, i bindur se shpirti i tim vëllai nuk besoj të jetë shumë kritik me mua. Ju falënderoj dhe ju përqafoj të gjithëve me shumë mirënjohje.
IKJA E POETIT PETRIT RUKA
Një yll u shkëput nga kupa qiellore e asaj nate të korriktë
La pas një vijë të përflakur, trakejtoren e shpirtit tënd gjithë dritë
Ike Peterit, ike në shoqërinë e baladave të lashta të vendlindjes,
I bekuari poet, ike si princ i fjalës së bukur shqipe, si princi i poezisë.
Ike poeti rrebel, ike i brishtë si lulja e qershisë së avllisë tënde
Ike vrullshëm si ujrat e kristalta të lumenjve të Tepelenës
Ike dhe more me vete dashurinë e shamizezave qiellore
Ike rrëmbimthi si erërët e luginës pa mundur t’i thoshe të gjitha.
Vet e ke thënë, poetët ikin dhe pas lënë poezinë
Mos mi trishto të gjallët, të mirët e të këqinjtë një ditë andej do të vinë
Mos u trishto atdheu nuk shitet, të gjallët e të rënët përsëri ngrihen
Ti vetëm gjej qetësinë dhe vazhdo të shkruash vargje perëndie.
Te fala Naimit, Fishtës, Migjenit, Dritëroit, Deradës, e gjithë poetëve të tjerë
Puthi dorën Buzukut që shkroi hyjnishtnë shqip formulën e pagëzimit,
Të fala Qazim Shemes e Maliq Lilës së vendlindjes si dhe piluriotit të artë Lefter Cipa,
I sigurt se kjo tokë e lashtë farën tuaj me poetë të tjerë do ta mbjellë.
3 komente në “Ikja e poetit Petrit Ruka”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
I pa harruar kujtimi i poetit Petrit Ruka. Vellai ka shkruar fjale te arta per vellane.
Njerezit mendjendritur brezat do ti kujtojne,ju lexofshin poezite dhe lartesote emri sa malet e Tepelenes,ngushellime familjes
E mrekullueshme!
Pavdeksia eshte testamenti i poeteve dhe i njerezve atdhetare, qe lene vepra me vlere per vendin dhe njerezit…
Ngushellime familjes, fisit, krahines. te cilet ndjehen krenare per emrin e magjishem, PETRIT RUKA!