Te fundit
Eduart Kapri, kryebashkiaku i djathtë që u zgjodh falë konfliktit PS-LSI
13 Korrik 2021, 12:58Politika
TEMA
SPAK futi në “rrjetën” e hetimit Eduart Kaprin, kryebashkiakun e djathtë të Pogradecit, i zgjedhur në zgjedhjet lokale të vitit 2015.
Në zgjedhjet lokale, PD fitoi bashkinë e Pogradecit, pas shumë e shumë vitesh, duke e thyer qytetin bastion të socialistëve që prej disa mandatesh drejtohej nga Artan Shkëmbi.
Përballë tij në zgjedhjet lokale ishte Diana Mile, një kandidate propozuar nga LSI-ja, e cila u paraqit si pjesë e koalicionit “Aleanca për Shqipërinë Europiane”, ku bënin pjesë Partia Socialiste dhe Lëvizja Socialiste për Integrim.
Por edhe pse ishte një kandidaturë e përbashkët, mes LSI-së dhe PS-së kishte një konflikt për këtë emër të sjellë nga Tirana, një grua që edhe pse kishte rrënjët nga Pogradeci u sulmua si nga PS-ja, por edhe nga vetë LSI-ja.
Të shumtë ishin njerëzit brenda LSI-së që e luftonin pasi ishin të zhgënjyer që nuk u vendosën ata si kandidatë për kryetar bashkie. Kapri mori 17,647, ndërsa Mile 16,024, duke marrë bashkinë për më shumë se 1600 vota.
Partia Demokratike krenohej me këtë fakt se tashmë bashkia e Pogradecit do të drejtohej nga demokratët, por që pas katër vitesh opozita hoqi dorë nga zgjedhjet lokale i bojkotoi. Pikërisht në kuadër të aksionit opozitar, bashkia e drejtuar nga të djathtët u organizua në pengimin e procesit të zgjedhjeve lokale, duke bllokuar shkollat e çerdhet ku ishin parashikuara të ktheheshin në qendra votimi.
“Nga hetimi ka rezultuar e provuar se nga ana e shtetasit Eduart Kapri, me cilësinë e Kryetarit të Bashkisë Pogradec, në bashkëpunim me shtetasit Safet Blaceri dhe Gurali Blaceri, me detyrë mirëmbajtës në Qendrën Arsimore, Pogradec, janë bërë tentativa për të penguar procesin zgjedhor që do të zhvillohej në datë 30.6.2019.
Në kushtet kur nuk ka pasur asnjë kërkesë për sigurinë e tyre, janë kryer veprime konkrete për mbylljen e këtyre institucioneve”, thuhet në njoftimin e SPAK.
Në zgjedhjet parlamentare, Kapri u përfol se do të ishte një prej kandidatëve për deputetë, por që baza e demokratëve doli kundër përfshirjes në listat për deputetë për qarkun e Korçës.
Ai i duhet të përballet edhe me akuzat për tentativën e prishjes së zgjedhjeve, por edhe për tenderin e dyshimtë të realizuar për blerjen e druve. (shqip)
3 komente në “Eduart Kapri, kryebashkiaku i djathtë që u zgjodh falë konfliktit PS-LSI”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nje gje nuk kuptohet . Problemi apo akuza se ke penguar votimet e 30 qershorit 2019.! Sa kujtoj kjo date me dekret te Presidentit u anollua si date votimi e zgjedhje. Do thohet se zgjedhjet u bene ! Po prandej muaren pjese 20% e votuesve ku rreth 7 % ishin kontra ! Ose mos botohej ne Gazeten Zyrtare ! Gjithashtu akoma nuk ka nje vendim gjykate per kete rast ! ( Ne rast se gjykata hudh poshte votimet e 30 qershorit dhe duhen perseritur cfare quhet !?)…….
Shko meso te shkruash nje here para se te periqesh te interpretosh ceshtje juridike e kushtetuese, qe shkuan ne Komisioni e Venecias per intepretim.
SPAK duhet te shkoje edhe me tej, Te kryebashkiaku tre mandatesh hajdut profesional Artan Shkembi qe me blerjet corruptive te tullave betonike nga Maqedonia shtroi edhe rruget ku kalojne makinat te cilat duhet Te riparohen cdo vit nga gropat qe krijohen…. Dhe shume bema Te tjera te cilat kontrolli i shtetit i gjeti shkelje te renda.