Te fundit
Pas aksidentit tragjik në Kroaci, shoferi kroat zbulon një “hile” që iu shpëton kur jeni të lodhur në timon
27 Korrik 2021, 10:51Politika
TEMA
Aksidenti tragjik në Slavonski Brod të Kroacisë, ku vdiqën 10 persona dhe u lënduan mbi 40 të tjerë, e ka bërë shoferin e famshëm kroat, Juraj Sebalj, që t’u tregojë kolegëve se si të shpëtojnë jetën e tyre dhe të tjerëve, kur ndihen të lodhur pas timonit.
Ai u ka bërë apel shoferëve që kurdo që ndihen të lodhur, të pushojnë “Kur bëhet fjalë për lodhjen, s’ka heronj, nuk ka trima dhe askush nuk është supernjeri. Njerëzit më së shpeshti gabojnë kur mendojnë se do të humbasin disa orë. Sakrifikoni 20 minuta dhe pushoni kudo që të shkoni”, shkroi Šebalj në Facebook me një video në të cilën ai zbuloi një “hile” se si të freskoheni gjatë udhëtimit.
Sipas Sebalj, 15-20 minuta gjumë janë të mjaftueshëm, derisa apelon te shoferët që të mos flenë më gjatë sepse mund të hyjnë në një fazë të gjumit të thellë. Ai sugjeron shoferët edhe që të dalin e të shëtisin.
“Kafeja dhe pijet energjike janë një zgjidhje kimike e problemit, megjithatë në një periudhë afatshkurtër. Lodhja nuk zgjidhet nga kimia, por nga biologjia“, fillon Zebalj dhe zbulon se problemi mund të zgjidhet vetëm duke fjetur. “15 deri në 20 minuta gjumë janë të mjaftueshme”, shpjegon Šebalj dhe shton se është një i ashtuquajtur gjumë i shkurtër.
“Mos flini më gjatë sepse do të hyni në një fazë të gjumit të thellë dhe do të zgjoheni të lodhur. Mos u mashtroni, mos flini më shumë se 15 minuta, nuk duhet të shkoni në një gjumë të thellë. Dilni dhe shëtisni”, tha shoferi me përvojë.
Autobusi nga Kosova u aksidentua të dielën në Kroaci, ku si pasojë mbetën të vdekur 10 persona e janë lënduar rreth 40 të tjerë. Autobusi vinte nga Frankfurti në drejtim të Kosovës./Gazeta Express
1 komente në “Pas aksidentit tragjik në Kroaci, shoferi kroat zbulon një “hile” që iu shpëton kur jeni të lodhur në timon”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Duket qe keto keshilla jane per femijet 12 vjecare.
Po pse, si mendoni ju te gazetes qe shoferet tane nuk i dine keto’ “ hile “ ?
Respekt per ndimen e kroateve dhe te kryeministrit te tyre, por mos na ulni kaq poshte duke na servire disa keshilla feminore, vetem e vetem pse e paska shkruar nje kroat ne rrjetin e tij fasebook apo kudo tjeter.