Te fundit
E fshehur në një kontejner me prodhime deti, sekuestrohen 7 kg kokainë në Portin e Durrësit
6 Gusht 2021, 15:03Kronika
TEMA
Një tjetër sasi lënde narkotike është sekuestruar mesditën e sotme në Portin e Durrësit. Policia njofton se gjatë kontrollit në kontejnerë janë gjetur 7 kg kokainë.
Si rezultat i kontrollit të imtësishëm të ushtruar në kontenier, në pjesën e kapakëve të ventilimit u gjetën pako me lëndë narkotike të dyshuar kokainë me peshë rreth 7 kg dhe një GPS, të cilat u sekuestruan në cilësinë e provës materiale.
Specialistët për Hetimin e Narkotikëve në Drejtorinë Vendore të Policisë Durrës arrestuan në flagrancë shtetasin D. D., 35 vjeç, banues në Tiranë.
“Vijojnë goditjet e njëpasnjëshme ndaj tentativës për trafikim të lëndëve narkotike në vendkalimin e kontrrollit kufitar Port, Durrës.
Finalizohet operacioni policor i koduar “Urbanor”.
Task Forca permanente e përbashkët e përbërë nga Policia Kufitare e Portit të Durrësit, Policia Kriminale e DVP Durrës dhe autoritetet doganore të Portit, evidentojnë dhe godasin një rast të tentativës së trafikimit të lëndëve narkotike.
Arrestohet në flagrancë administratori i firmës ku do mbërrinte kontenieri.
Sekuestrohet një sasi rreth 7 kg lëndë narkotike e dyshuar kokainë.
Në vijim të goditjeve të njëpasnjëshme ndaj veprimtarisë kriminale të tentativës për trafikim të drogave të forta, si rezultat i kontrolleve të shtuara, bazuar edhe në analizën e riskut të bërë nga Task Forca permanente e cila vepron në Portin e Durrësit, në bazë të dyshimeve të krijuara nga kjo Task Forcë dhe informacioneve që dispononte Policia Kriminale, kanë ushtruar kontroll të detajuar në një kontenier të ngarkuar me prodhime deti që ishte nisur nga Ekuadori për llogari të firmës “Fish Co Tirana”, me qendër në Tiranë.
Si rezultat i kontrollit të imtësishëm të ushtruar në kontenier, në pjesën e kapakëve të ventilimit u gjetën pako me lëndë narkotike të dyshuar kokainë me peshë rreth 7 kg dhe një GPS, të cilat u sekuestruan në cilësinë e provës materiale.
Në vijim të veprimeve, specialistët për Hetimin e Narkotikëve në Drejtorinë Vendore të Policisë Durrës arrestuan në flagrancë shtetasin D. D., 35 vjeç, banues në Tiranë (administratori i firmës ku do mbërrinte kontenieri).
Grupi hetimor, nën drejtimin e Prokurorisë së Rrethit Gjyqësor Durrës, vijon veprimet hetimore për dokumentimin e plotë kësaj veprimtarie kriminale, identifikimin dhe kapjen e personave të tjerë të përfshirë në të.
Materialet do t’i kalojnë Prokurorisë së Rrethit Gjyqësor Durrës për veprime të mëtejshme”, njofton policia.
3 komente në “E fshehur në një kontejner me prodhime deti, sekuestrohen 7 kg kokainë në Portin e Durrësit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Zone operacionale e kokaines ne Europe
Polici me idiote ne bote nuk ka, droga ka GPS d.m./th ata qe e kane futur ne kontwenier pi e ndjekin keta ven e kapin admiistratrin e firmes se peshkut
Estradea e ballshuit i ha m… tin ketyre policeve te Rilindjes
Kush e njeh Denisin e di 100% qe nuk ka lidhje me kete histori.
Pako eshte gjetur JASHTE kontenierit (motorret e frigoriferit jane jashte kontenierit), nderkohe qe policia as nuk pret kush do vije te terheqe pakon po arreston personin duke u marre me procedurat doganore vetem policia shqiptare mund ta beje e ta quaje sukses.