Ish- këshilltari i presidentit afgan: Shqipëria vendosi shembull moral për vendet e tjera

Mohammad Shafiq Hamdam ish këshilltar i presidentit të Afganistanit Ashraf Ghani njëherazi këshilltar i NATO-s,  në një intervistë për gazetarin e Top Channel Muhamed Veliu komenton vendimin e qeverisë shqiptare për të shpëtuar nga Talebanët, ata afganë që kanë ndihmuar në misionet e NATO-s, ku ka marrë pjesë edhe Shqipëria.

“Shqipëria nuk është një shtet i madh por një vend i jashtëzakonshëm. Shqipëria e ka përjetuar luftën dhe e ndjen çfarë ndodh në Afganistan. Fatmirësisht sot Shqipëria ndjehet e madhe dhe e fortë falë punës së saj.

Afganasit u janë falënderues  për shërbimet tuaja në kuadër të NATO-s dhe ata do ju jenë mirënjohës për ardhjen si miq. Duke strehuar refugjatët afgan, Shqipëria i tregon botës dhe NATO-s,  një udhëheqje të fortë duke demonstruar se njerëzit e saj, tregojnë kujdes për aleatët kudo që janë”, tha ai.

I pyetur për fatin e përkthyesve të cilët kanë asistuar edhe misionet shqiptare në Afganistan Mohammad Shafiq Hamdam tha:

“Paçka se talebanët thonë se nuk do t’i bëjnë keq përkthyesve, në të shkuarën kemi parë që përkthyesit janë arrestuar, proceduar, vrarë në publik madje u janë prerë kokat, përpara kamerave për video-klipet e Talibabanëve në Youtube.

Ata që kanë ndihmuar trupat shqiptare në Afganistan janë padyshim në rrezik.  Ata meritojnë të jetojnë dhe nuk duhet të lihen atje. Shqipëria vendosi një shembull moral për vendet e tjera, duke marrë përgjegjësi dhe ndihmuar në nevojë aleatët”.

Dy ditë më parë Dritan Demiraj i cili ka drejtuar disa misione në Afganistan deklaroi se përkthyesit afgan në shumë raste kanë marrë edhe armët dhe kanë luftuar në krahun tonë, duke treguar jo vetëm besnikëri por edhe trimëri.

Strehimi i afganëve në vend, Këshilli i Ambasadorëve Shqiptarë: Detyrim njerëzor

17:50 Sociale

Ardhja e afganëve në Shqipër, reagon Komuniteti Mysliman: Si besimtarë dhe si shqiptarë, na takon t’i mirëpresim

17:23 Sociale

250 afganët e parë vijnë në Shqipëri këtë javë, zbulohen vendet se ku do të strehohen

17:26 Sociale

Një shqiptare ende në Afganistan, nis operacioni për të shpëtuar Anën

16:09 Sociale

Shpëtuan nga kampi i ferrit “Al Hol”, refuzojnë të japin detaje të kthyerit nga Siria: Nuk e dimë kush na dërgoi në kampet e luftës

15:52 Sociale

Ish-ministri i Shëndetësisë, Shehu: COVID-19, një alarm, gjendja në përkeqësim galopant

13:39 Sociale

Zjarret në vend, ministria e Mbrojtjes: Era ka ndikuar në përkeqësimin e flakëve

11:23 Sociale

Fieri, Vlora, Kukësi dhe Berati me rënien më të madhe të lindjeve në 4 vitet e fundit

09:37 Sociale

Kafeja juaj e përditshme do të shtrenjtohet

22:15 Sociale

Delta po infekton me shpejtësi në Shqipëri. Çfarë masash duhet të merren sipas ekspertëve?

21:45 Sociale