Te fundit
Njihuni me gazetaren që u përball me talebanët dhe i bëri pyetjen e guximshme
18 Gusht 2021, 12:55Lifestyle
TEMA
Gazetarja Charlotte Bellis ishte personi i parë i ulur para talebanëve të martën ku i ka bërë një pyetje mjaft të guximshme grupit të njerëzve të armatosur që morën kryeqytetin e Afganistanit tronditi botën.
Me flokët bjonde të cilat fshiheshin poshtë një shamie, gazetarja u përqendrua rreth asaj se si ata do të respektonin të drejtat e mijëra grave të tmerruara afgane.
Bellis ka punuar për Al Jazeera, një organizatë e pavarur lajmesh e financuar pjesërisht nga qeveria e Katarit, nga Afganistani që nga viti 2019.
Gazetarja me përvojë, me origjinë nga Zelanda e Re, ishte e vetmja gazetare femër që lejohej të merrte pjesë në konferencën e parë zyrtare për shtyp të talebanëve dhe ajo nuk e humbi rastin.
Zonja Bellis shfaqet e qetë dhe e matur ndërsa prezantohet me sundimtarët e rinj të Afganistanit dhe i bën pyetjen e saj të fortë.
“Unë dua t’ju flas për të drejtat e grave dhe të drejtat e vajzave, nëse gratë do të lejohen të punojnë dhe nëse vajzat do të vazhdojnë të shkojnë në shkollë. Çfarë garancish mund t’u jepni grave dhe vajzave se të drejtat e tyre do të mbrohen?
Zabiullah Mujahid, një zëdhënës i talebanëve i siguroi gazetarët se ‘Emirati Islamik’ do t’u japë grave të drejtat e tyre për sa kohë që ata ndjekin ligjin e Sheriatit.
“Grave do t’u sigurohen të gjitha të drejtat e tyre. Qoftë në punë apo në aktivitete të tjera sepse gratë janë pjesë kyçe e shoqërisë. Ne jemi duke garantuar të gjitha të drejtat e tyre brenda kufijve të Islamit”, u shpreh ai.
Pyetja e theksuar e zonjës Bellis është ajo që mijëra gra të shqetësuara afgane i kanë bërë vetes që kur talebanët morën kontrollin e shtëpive dhe jetës së tyre.
Prania e zonjës Bellis në konferencë dhe aftësia e saj për të pyetur drejtpërdrejt një anëtar të talebanëve mund të shihen si një fener i vogël shprese për gratë.
Sidoqoftë, femrat afgane ende frikësohen se janë ndër ato më të rrezikuarat nën qeverinë e re për shkak të ligjeve të rrepta fetare që u imponuan nga islamistët pasi ata erdhën në pushtet në 1996.
Ka pasur gjithashtu raporte për gra të cilat janë qëlluar për vdekje për veshjen e rrobave të ngushta.
3 komente në “Njihuni me gazetaren që u përball me talebanët dhe i bëri pyetjen e guximshme”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Brënda ligjit të sherihatit. Po çfarë thotë ligji i sherihatit?!
Druri ka dal nga xheneti.
të punosh për al xhazirën e katarit,nuk do të thotë se e ka bërë këtë pyetje nga koka e saj dhe aq më pak “e ka vënë atë në rrezik”!!
dihet fare mirë se kush është alxhazira e katarit!!
ashtu si dihet se përse është e vetmia grua që është lejuar të marrë pjesë!!
pyetja është e parapregatitur,për ti dhënë pamje njerzore regjimit të dytë taliban!!
është si pyetjet që i bëjnë ramës gazetarët e tij!!
tek kjo pyetje unë nuk shoh as trimëri të gazetares as spontanitet!!
më shumë do ta quaja një ndihmëse të propagandës së tyre!!