Te fundit
FOTOT: Presidentja e KE mbërrin në Tiranë, pritje zyrtare nga Rama
28 Shtator 2021, 09:23Politika
TEMA
Presidentja e Komisionit Europian, Ursula von der Leyen, ka nisur nga Tirana turin e saj Ballkanik.
Ajo është pritur me ceremoni shtetërore në Pallatin e Brigadave nga kryeministri Edi Rama.
Vetë von der Leyen në një postim në Twitter, shkruante se ajo e nis këtë tur me një mesazh të qartë.
“Sot nis vizitën tek 6 partnerët tanë në Ballkanin Perëndimor, përpara samitit të javës së ardhshme. Mesazhi im është i qartë: Ne ndajmë një të ardhme të përbashkët europiane.
Ne po e përgatisim atë tani, duke tejkaluar Covid së bashku, duke investuar në mënyrë strategjie, duke i dhënë rinisë tonë oportunitete“, shkruante presidentja e KE.
Më pas, Ursula von der Leyen do të drejtohet për në Maqedoninë e Veriut. Të mërkurën, Von Der Leyen do të vizitojë Kosovën, ku sigurisht do të diskutohen tensionet e larta në veri. Po në të njëjtën ditë do të jetë dhe në Serbi.
Një ndalesë do të bëjë të mërkurën edhe në Mal të Zi. Turin ballkanik, presidentja e Komisionit Europian, e përmbyll të enjten në Bosnjë dhe Hercegovinë.
Lini një Përgjigje
Më të lexuarat
24 oret e fundit
Javen e fundit
Blog Tema
