Te fundit
Rexhep Qosja: Rama dhe Kurti të mendojnë njësoj, nuk e pranoj me qejf kur Shqipëria bën marrëveshje me Serbinë
30 Shtator 2021, 22:40Politika
TEMA
Rexhep Qosja tha në një intervistë ekskluzive për A2 CNN se kryeministri Edi Rama dhe homologu i tij në Kosovë, Albin Kurti, duhet të kenë mendime të harmonizuara për disa çështje, jo thjesht ideologjike, por praktike.
“Për çështjet e bisedimeve të Kosovës me Serbinë. Çka ka më të rëndësishme se qëndrimi i Shqipërisë dhe Kosovës ndaj Serbisë të jetë i njëjtë. Çka ka më të rëndësishme që bashkëpunimin me Serbinë, marrëveshjet me Serbinë të mos i bëjë vetëm Shqipëria, ose Kosova, por t’i bëjnë vetëm kur i bëjnë bashkërisht”, tha Qosja.
“Është me rëndësi shumë të madhe që këta dy kryeministra të bashkojnë mendimet e veta dhe të mendojnë në mënyrë të njehsuar, të përbashkët. Çështja e Kosovës nuk e realizon rëndësinë e vet nëse edhe Shqipëria nuk është me të. Për këtë arsye do të thosha këtu para jush, do t’i ftoja, kryeministrin e Shqipërisë, Edi Ramën, që është më i vjetër se ai i Kosovës, Albin Kurti, që të merren vesh mes vetes, t’i harmonizojnë mendimet dhe qëndrimet e veta. Të mendojnë se ata duhet të bëjnë një politikë, jo dy politika kombëtare për Kosovën, Shqipërinë, për popullin shqiptar në përgjithësi”.
Sa i përket nismës së Ballkanit të Hapur, ku Kosova nuk pranon të bëjë pjesë, Qosja shpreh keqardhje pikërisht për qëndrimet e kundërta që kanë dy shtetet shqiptare. “Një gjë më bën përshtypje. Marrëveshja e kryeministrit të Shqipërisë me kryetarin e Serbisë, bisedimet me të, si të them, disi nuk i pranoj me qejf. E dimë çka ka ndodh në Kosovë, çka ka bërë regjimi i Sllobodan Millosheviçit në Kosovë, dhe dua të them se ato nuk harrohen lehtë. Është mirë t’i harrojmë të këqijat, të çlirohemi, por nuk harrohen lehtë. Nuk them se do të hakmerremi, por them se s’do të harrohen”, tha ai.
1 komente në “Rexhep Qosja: Rama dhe Kurti të mendojnë njësoj, nuk e pranoj me qejf kur Shqipëria bën marrëveshje me Serbinë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Qosja dhe qosistet jane kategori “patriotike” e “shqiptare” e Titos, qe pos fjaleve e pozitave te uzurpuara dhe pagave te majme qe i kane marre e i marrin me “merita”, nuk kane bere asgje per popullin shqiptar dhe per trojet e pushtuara e te copetuara shqiptare. Kot derdellisin… Edhe sot, me fajin e tyre “patriotik” e “kombetar”, po mbahet e copetuar Shqiperia, fatkeqesisht, dhe titistet e njohur si Qosja duan t’i mbajne me çdo kusht neotitistet e tyre ne pozita e puushtet, duke i qitur prita ne çdo hap luftes dhe betimit per bashkim kombetar te UÇK, e kjo shihet ne çdo deklarate te tyre “patriotike” e “shqiptare”… Por, çeshtja eshte se kur do ta marre vesh kete mut te madh “margaritar” diplomacia shqiptare ne Tirane dhe gjithandej, per t’i vene rrjedhat e historise ne binare te duhur shqiptare… Asnje shqiptari nuk i duhet Shqiperia qe e “bejne” shqiptaro-titistet e neotitistet e kategorive te njohura te te “burgosurve politike shqiptare”…
DRENICA E KUQE