Te fundit
Pastrimi i parave, Ristani: Çështja e lobimit e Bashës nuk është një dosje e mbyllur, por akuzë e paçuar në fund
7 Tetor 2021, 21:50Politika
TEMA
Veprimtaria lobuese e kryetarit të PD-së Lulzim Basha nuk është një dosje e mbyllur, por një akuzë e paçuar në fund sa i takon pastrimit të parave. Kështu deklaroi në studion e “Debat” në A2 CNN, ish-sekretari i PD-së Arben Ristani, i cili shtoi se kjo është këmbyer me një akuzë për falsifikim dokumentash, e cila është e mbyllur. Sipas tij kjo është baza e presionit për vendimet antistatutore që ka marrë dhe kjo e ka penguar Bashën që të vizitojë SHBA-në.
“Nuk është dosje e mbyllur është një akuzë e paçuar në fund sa i takon pastrimit të parave e këmbyer më një akuzë për falsifikim dokumentash, që është e mbyllur dhe jo e pastrimit të parave që nuk është çuar deri në fund.
Ka të dhëna të mjaftueshme për të besuar se ka patur veprimtari të paligjshme sa i takon lobimit të Bashës dhe që e ka penguar Bashën të vizitojë SHBA dhe kjo është baza e presionit për vendimet antistatutore që ka marrë.
Çështja është PD është ndjerë e tradhtuar nga Basha dhe tashmë ka ardhur kulmi dhe ena po derdhet dhe prandaj memorie të tilla duhen bërë publike që të kuptojnë edhe ata që nuk e dinë se me kë kanë të bëjnë dhe sa e nevojshme është të hiqen qafe njerëz të tillë”, tha ao.
Kur u pyet në lidhje në me përfaqësinë diplomatike dhe rolin e saj në PD, Ristani tha se PD qëndron krah parimeve demokratikeve të SHBA-së, kurse Bashën e akuzon si antiamerikanin më të madh:
“SHBA qëndron për ne për shkak të parimeve që përfaqëson. sovraniteti i anëtarësisë së një partie, struktura sipas parimeve demokratike janë parime që vijnë nga demokracia amerikane dhe jo vetëm dhe ne e kemi reflektuar te partneriteti me Amerikën.
Për sa kohë që qëndrojmë jemi krah tyre jo si antiamerikani Basha që djeg mandatet, nuk futet në zgjedhje në ka një antiamerikan në parti është lideri aktual, i cili është i akuzuar për pastrim parash për sa i përket veprimtarisë lobuese në SHBA”.
Por politologu Ermal Hasimja shikon vendimtar rolin e anëtarësisë së PD-së si përcaktues të së ardhmes së saj dhe jo atë të përfaqësisë diplomatike. Ai sjell në vëmendje rastet kur opinioni publik ka tejkaluar presionin ndërkombëtar, si ai armëve kimike:
“Faktori vendimtar për përcaktimin e së ardhmes së PD janë vetë anëtarët e PD. Çfarëdo kërkesë nga jashtë në formë presioni nuk do të mund të përballet dot me vullnetin e anëtarëve të PD dhe nuk do të ishte rasti i parë në Shqipëri kur opinioni publik ka tejkaluar presionin ndërkombëtar si rasti armëve kimike, që të gjitha palët u detyruan që të gjitha palët të mbanin qëndrim kundër kërkesës së SHBA dhe është një faktor shumë i fuqishëm se çdo lloj ndikimi”.
2 komente në “Pastrimi i parave, Ristani: Çështja e lobimit e Bashës nuk është një dosje e mbyllur, por akuzë e paçuar në fund”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ristani vazhdon te mbjelle konfuzjon.
Tema e hartimit eshte veprimtaria lubuese e Kryetarit te PD Lulzim Bashes, apo veprimtaria lobuese e Rusit per PD? Me sa di une ishin gati 1 miljon dollare te lobuara nga nje kompani “off shore” Ruse per PD, qe u kap nga IRS amerikan sepse nuk ishin paguar taksat…A e di njeri te verteten?
Per kujtese Ristani, ne ate kohe tha qe PD nuk kish mare asnje koker dollari….Valle Ristani kaq di?????Cthote Saliu dhe pse ai akoma nuk ka folur?
Me sa duket haleja eshte aq e thelle sa nuk i gjendet fundi….
Bravo Z.Ristani.Kjo tregon se ka dhe burra te tille Shqipria.Na tregove se e solle Bashen ne menyre klandestine ne krye te bashkise tani na thua se Basha ka lobuar me para te pists.Ky ishe deri tani,u be gjithe ajo rremuje atehere dhe nuk the nje fjale per the qe une nuk kam gjishte.I dyti Sali Berisha qe njihet per keto pune.A eshte si nje mbajtes protokolli qe shenon cdo gje ne bllokun e tij.U be nje kuvend kombetar per zgjedhjen e Bashes kryetari PD,mori pjese ne te,u prit me brohoritje,nuk tha asnje fjale kundra,votoi per te,iku me i kenaqur se kurre nga kuvendi dhe hop pas nje muaji po nxerr gjithe ato maskaralleqe.Jane burra keta:ju prish qefi,hopa kundra,u bere qefin,te mbajne ne krah.